麻辣風雲 (京都廣場) (已結業)

憑星期五又係相聚時刻，一班姊妹去食好西之夜，今次去銅鑼灣駱克道491-499號京都廣場5樓的麻辣風雲試新嘢食四川菜。酸菜魚 ＄268 份量非常之多，3、4人食都無問題，金黃色的湯汁，裏面滿滿魚片，魚片食落嫩滑少骨，酸菜亦不會過酸或過鹹，湯底味道拿捏剛剛剛好，加上煙韌和掛湯的薯粉，愈食愈開胃。花雕醉雞＄98 上枱就聞到陣陣花雕酒味，但又唔會搶左雞的鮮味味👍雞肉非常嫩滑，仲可以飲埋D酒，好補呀！薑煸牛肉 $178牛肉嫩滑好有咬口，用薑、蔥蒜、洋蔥和辣椒仔炒香，非常惹味！