兩姊妹涼皮有限公司 (怡和大廈)

營業中

休息中

涼皮都有米芝蓮推介！喺中環食到真係方便好多！涼皮同酸辣粉都係必試，最好叫哂兩碗share! 仲叫埋蓮藕丁同椒麻雞！全部走辣，但依然好食。涼皮有莞茜，青瓜絲，脆脆等配料，闊闊嘅涼皮每一塊都掛滿醬汁，好滑溜，口感幾彈牙，加上配料口感豐富。比起涼皮，我更愛酸辣粉。酸辣粉湯底係用鮮雞熬制，又香又濃郁，唔係坊間嘅味精味，可以放心飲哂，薯粉吸滿湯汁，啖啖都好好味。蓮藕丁走辣但仍然惹味，又爽又脆。青瓜木耳椒麻雞嘅雞肉好嫩滑，不過可能走左辣所以唔係好夠麻香。