The Americano By Texas Burger (已結業)

去過荔枝角的人，都應該會認識億利呢幢工廠大廈，點解？？因為當你打開Openrice，呢幢大廈名會不斷重複在餐廳的地址上，之前試過台灣嘢，今日一於試下Burger嘅Americano！！香蒜巴馬薯條（配煙椒蜜糖醬），我都係第一次見到薯條上會放上蒜頭同蔥咋，真係明玩我呢啲蒜精。上枱時，薯條熱辣辣，配上蒜頭的香味，差啲相都唔記得影。德州燒烤漢堡，上枱時，第一反應係駛唔駛咁厚呀。六安士煙的牛肉，配上煙肉、炸洋蔥圈、生菜、車打芝士及燒烤醬，真係要認真諗吓可以點樣下手。漢堡牛肉好鬼死Juicy，個包又烤到脆脆，配合其他的材料，下次一定要試其他的Burger。