影片
更多
2024-09-28
444 瀏覽
記得係上一間公司走嘅時候，同事帶我黎食過呢間餐廳，今次黎到發現佢裝修唔同咗，由以前嘅暗黃浪漫風變成摩登明亮風。睇完餐牌，join咗佢地個會籍，都幾多優惠。唔中意join會籍嘅，都有2人餐4人餐、仲有d限時優惠，例如5：30後乳鴿$48隻，啤酒汽水橙汁買一送一等等，都幾抵玩。雞絲粉皮晶凝通透，非常滑溜，加上濃郁嘅麻醬，鍾意食花生醬或者麻醬味嘅朋友仔可以一戰。佢哋餐牌裏面有好多點心，雖然有好多款式都好有特色，但係始終鍾意簡單經典嘅蟹籽鮮蝦燒賣，可惜呢度嘅燒賣真係無令我失望，肉質好彈牙，裡面好多豬肉汁，仲有爽彈蝦肉。另外，師傅燉湯“五指毛桃紅蘿蔔雞腳湯”都好有驚喜，雞腳燉完之後一咬就輕易離骨，湯品內的湯料亦很多，飲得出無味精味，好似媽媽煲嘅住家湯咁，好滋補，幾適合最近秋涼嘅天氣。蜜餞黑椒牛仔骨就非常下飯，甜甜地嘅黑椒汁，加埋柔嫩牛仔骨，仲有爽脆嘅三色椒，成個口感同埋味道都調配得唔錯，三色椒令到牛仔骨嘅濃膩感減低，食多幾嚿牛仔骨都唔會覺得好膩。最後甜品就食咗伯爵茶奶凍，淡淡的伯爵茶香氣，加上滑溜嘅奶凍質感，很不錯，而且唔會好甜。
睇完餐牌，join咗佢地個會籍，都幾多優惠。唔中意join會籍嘅，都有2人餐4人餐、仲有d限時優惠，例如5：30後乳鴿$48隻，啤酒汽水橙汁買一送一等等，都幾抵玩。
雞絲粉皮晶凝通透，非常滑溜，加上濃郁嘅麻醬，鍾意食花生醬或者麻醬味嘅朋友仔可以一戰。
佢哋餐牌裏面有好多點心，雖然有好多款式都好有特色，但係始終鍾意簡單經典嘅蟹籽鮮蝦燒賣，可惜呢度嘅燒賣真係無令我失望，肉質好彈牙，裡面好多豬肉汁，仲有爽彈蝦肉。
另外，師傅燉湯“五指毛桃紅蘿蔔雞腳湯”都好有驚喜，雞腳燉完之後一咬就輕易離骨，湯品內的湯料亦很多，飲得出無味精味，好似媽媽煲嘅住家湯咁，好滋補，幾適合最近秋涼嘅天氣。
蜜餞黑椒牛仔骨就非常下飯，甜甜地嘅黑椒汁，加埋柔嫩牛仔骨，仲有爽脆嘅三色椒，成個口感同埋味道都調配得唔錯，三色椒令到牛仔骨嘅濃膩感減低，食多幾嚿牛仔骨都唔會覺得好膩。
最後甜品就食咗伯爵茶奶凍，淡淡的伯爵茶香氣，加上滑溜嘅奶凍質感，很不錯，而且唔會好甜。
張貼
