Red Mango (已結業)

本來都唔諗住俾劣評，人哋都係大開門口做生意嘅。但見到有人久唔久就上fb啲素食群組賣廣告(我自己都係睇fb先去試)，為免有人再中伏，唯有將經歷寫出黎，試唔試就閣下自理。首先，全晚食到熱嘅嘢係得兩款素包，燒賣同湯。個湯如果唔睇名，係飲唔到有乜嘢料嘅味道。但啲包就無牌仔寫住係乜嘢餡嘅，一定要試先知係咸定甜包。可能平時食乳酪被寵壞咗，呢間係第一間我見得一個味道而又無配料嘅自助乳酪。所謂熱食係有好多盤，但refill得慢都仲可以唔熱嘅。家慈都嫩過啲蘆筍。草菇明顯係開罐頭。串燒又乾又鞋，想揾啲汁點下都被人刮乾刮淨。服務最好嘅係收錢，一入座就收錢。一眼睇哂嘅舖面亦一眼睇哂無service。一家人去食成千蚊，真係唔可能有下次。