富臨薈 (已結業)

今日相約朋友到沙田食fusion點心，一入到餐廳已經bling bling bling，同傳統嘅酒樓完全唔同，裝修好中西合璧，又可保留返傳統嘅美，用玫瑰露酒和西式嘅deco做擺設，真的眼前一亮！喜歡食流沙包嘅我第一時間就揀咗黑金流沙包，一開d蛋黃醬係中間不斷流出嚟😍！另外，就叫咗個發過豬頭點心拼盤，中間有隻白豬豬🐷嘅包，又有個黃色嘅箭豬，另外仲有啲好特色嘅餃。當我搣開隻白豬豬嘅時候，覺得好殘忍要食佢落肚，但估唔到入邊係紫薯餡，香噴噴嘅紫薯，巧巧味！還有，啲餃有唔同嘅餡，墨汁做皮的餃，內裏包住好juicy的肉汁，yummy! 知道食點心都有啲肥，但又想keep住靚靚，所以就選了洛神紅米金沙腸！廚師真有心思，用咗洛神紅米做皮，紅紅的，包住脆卜卜嘅肉鬆，外軟內脆，很配！最令人回味的是蘭度炒鴿甫！啲鴿甫非常香囗又爽口，味道濃郁而不膩，配合埋芥蘭和櫻花蝦海鮮炒飯就好似隻乳鴿喺嘴裏跳躍！