海港酒家

營業中

休息中

上次喺太子嘅海港酒樓食個晚飯，印象中佢晚市都幾多選擇，價錢合理。所以今次係寶琳同屋企人食飯，我都選擇咗海港酒樓。上次太子嗰間唔知係咪太旺，好早已經有幾度菜式賣晒。今次終於可以叫返想食既中式牛柳條。呢個中式牛柳有大量嘅蒜蓉，所以好香。牛柳條幾軟身，易咬。牛柳下低係洋蔥，濃味既一道菜式，送飯唔錯。唔知係唔係食鹹左個味蕾，另外叫咗一道金華火腿浸娃娃菜，就覺得佢非常淡口。除咗嗰個金華火腿有鹹味之外，成道菜餸都好似冇咩味甘。所以都係要叫返啲重口味嘅小菜，例如咕嚕肉都做得唔錯。酸酸甜甜，好醒胃。呢度嘅甜品都好似好搶手，楊枝甘露，一早售罄，下次請早。