影片
更多
2024-09-15
292 瀏覽
上個禮拜去左銅鑼灣嘅Mercury Recalls by Lost Stars呢間餐廳以黑膠唱片主題為賣點 環境極度chill絕對係一個好適合同朋友慢慢嘆晚餐嘅地方先講佢地嘅裝潢 牆上擺滿咗各種經典黑膠唱片 配上柔和燈光同時播放住輕鬆嘅音樂 (音響仲要幾正!!) 令人感覺好似返到去音樂黃金時代真係好好好舒服食物方面：1. Truffle fries初初諗住小食唔會好大份 點知嚟到嚇親 係成桶薯條炸得夠脆但唔會過油 上面撒左少少黑松露唔會太霸道 配合埋個黑松露醬 食落相當滿足2. Grilled provencal salmon fillet呢個香煎三文魚扒食落去夠嫩滑 外層加上左應該係麵包糠 令到佢煎得香脆裡面仍然保持住豐富嘅魚油香草同檸檬汁嘅搭配恰到好處 帶出魚肉本身嘅鮮甜3. Baked cheese & bacon chicken roll雞卷包裹住濃郁嘅芝士同煙肉經過烤焗後 口感軟嫩又juicy芝士香氣與煙肉鹹香融為一體 每一啖都好豐富飲品方面：1. Cocktail - Delicate by Damien Rice呢杯cocktail係用italicus (佛手柑酒
呢間餐廳以黑膠唱片主題為賣點 環境極度chill
絕對係一個好適合同朋友慢慢嘆晚餐嘅地方
先講佢地嘅裝潢 牆上擺滿咗各種經典黑膠唱片 配上柔和燈光
同時播放住輕鬆嘅音樂 (音響仲要幾正!!) 令人感覺好似返到去音樂黃金時代
真係好好好舒服
食物方面：
1. Truffle fries初初諗住小食唔會好大份 點知嚟到嚇親 係成桶
薯條炸得夠脆但唔會過油 上面撒左少少黑松露
唔會太霸道 配合埋個黑松露醬 食落相當滿足
2. Grilled provencal salmon fillet呢個香煎三文魚扒食落去夠嫩滑
外層加上左應該係麵包糠 令到佢煎得香脆
裡面仍然保持住豐富嘅魚油
香草同檸檬汁嘅搭配恰到好處 帶出魚肉本身嘅鮮甜
3. Baked cheese & bacon chicken roll雞卷包裹住濃郁嘅芝士同煙肉
經過烤焗後 口感軟嫩又juicy
芝士香氣與煙肉鹹香融為一體 每一啖都好豐富
飲品方面：
1. Cocktail - Delicate by Damien Rice呢杯cocktail係用italicus (佛手柑酒) 同st germain (接骨木花酒) 為基底
加上法式伯爵茶糖漿同青檸汁 整體飲落有種好清新嘅感覺
酒味唔會太濃 俾人一種好輕盈嘅感覺 同環境個vibe勁夾
2. Sparkling 'Ice-cream' Hojicha呢款氣泡茶係一個幾特別嘅選擇 將焙茶同氣泡水結合
帶有微甜 飲落有啲似焙茶味嘅雪糕 幾好飲
總結嚟講 Mercury Recalls by Lost Stars唔單止食物有水準
環境氛圍更加令你可以放鬆心情享受一個愉快嘅晚餐
無論你係想靜靜地聽住音樂慢慢食 定係同朋友開心chill住傾偈
個人覺得呢度都係一個非常好嘅選擇
張貼
