海鮮丼屋政 (已結業)

話說我係一個好中意食米飯嘅人，去食放題都會食壽司好唔抵的。不過早排搵到間丼飯店，有手握壽司放題，仲食左幾次添。講明手握壽司放題，貴過一般放題咁多，緊係有個師傅即場手握啦。一開波有一份比較貴嘅八件壽司併盆，值成兩舊水咖。有池魚，吞拿魚腩，三文魚子同海膽呢啲貴野先，好新鮮，好好味，可惜無任食。之後就到我暴食壽司時間每一件都好新鮮好好味，絕對唔係一般放題料，好過「萬兩」添。炸物，普普通通天富羅普通料，但好過酒店自助餐果啲刺身得三文魚同甜蝦。茶碗蒸好味。整體有啲價錢，但對於我呢啲好中意食壽司嘅人真係一流。