車水堂車仔麵

營業中

休息中

星期六約左朋友做運動, 之後去左中環街市行左一陣, 係附近搵左一間餐廳食車仔麵。我哋叫左招牌麵, 包括辣魷魚, 鹵水豬腸, 豬皮, 牛腩和蘿蔔, 魷魚爽口彈牙, 配合特製辣醬汁, 十分惹味。蘿蔔炆得好軟腍, 清甜入味, 完全冇渣。牛腩軟滑煮得幾入味,。我哋另外叫左一個五餸麵, 金錢肚鹵得好入味, 食落爽口有嚼勁, 台灣黑椒腸外皮好脆, 黑椒味突出我哋叫左兩款小食, 麻辣鴨血食落嫩滑冇腥味, 麻辣牛柏葉爽脆可口。我哋最後叫左豆漿, 少甜可解辣。