大呷台灣 (已結業)

中環比人感覺做野和食野都好急， 今日難得約左朋友可以舒服咁座低慢慢食，就緊係找間係我鍾意食的菜色啦，慢慢嘆啦！我們太耐冇一齊去台灣旅行所以決定食台灣菜回味我們去台灣的感覺。來到大呷台灣，比我覺得制作認真， 我們點了;大呷綜合涼菜拼盤(高粱酒香雞 ， 鹵糖心鴨蛋，黑醋小木耳，蔥油干貝伴豆腐，台醬拌茄子) 干貝葱油雞扒乾拌麵跟上湯大呷紅燒牛肋條麵台灣香腸大呷小籠湯包古早仙草奶茶古早珍珠奶茶蘆薈冬瓜茶加珍珠每樣食物都用心制作，干貝葱油用紅葱頭切碎再炸加上醬汁去拌麵好出色， 個雞扒炸得好香脆， 紅燒牛肋夠淋和入味，湯底好甜。一片蒜片夾住一件香腸來食，真係好掂。最大驚喜小籠湯包， 一口咬下時出現爆肉汁情況，肉汁香甜，皮又夠薄。小食拼盤將幾款最正冷盤拼在一起，岩哂我地呢d貪心每樣都想食dd 的人。飲品都沖得幾好，我好喜歡它們的珍珠唔會硬有口感。食完今餐真係好似去左台灣一轉，下次想去台灣去唔到，我就近近地來中環食返餐算。