Deli and Wine (已結業)

位於怡和大廈地庫的deli&wine，是我喺中環的飯堂，尤其落雨天，一定會來此外賣「三餸飯」。物價飛騰，幾個月冇來，三餸飯已加價至$63（兩餸$55，另加一餸$8）。好在質素和份量都有保證，喺中環也算是價格相宜又方便的一餐了。是日叫咗豆豉魚，糖醋肉以及梅菜肉餅，見到廚房係不斷現整d餸出來，職員亦快手高效，所以飯餸均夠熱夠新鮮。餐廳是需要先排隊買飛，兩餸飯要再排過另一條龍揀餸，其他食物則有職員送到檯。即使兩條龍都唔算短，但因為職員快手，其實很快也便有得食。