好易食

營業中

休息中

餐廳在中環蘇豪區，沿住半山扶手電梯上，很方便，環境氣氛唔錯，不停播住音樂，令人感覺輕鬆。餐牌全部都係墨西哥特色菜：Cauliflower椰菜花加左瓜子仁、石榴籽、檸檬汁一齊煮，配搭新穎，好特別。Mushrooms Croquettes薯餅煎到金黃色，外層酥脆，每一口都食到軟綿綿既蘑菇碎，頂部仲鋪滿芝士碎，非常惹味。Beef Taco (2pcs)墨西哥牛肉塔可餅，餡料好多，有切碎既洋蔥、香菜、番茄、檸檬汁調味，帶來清新既口感，適合作為開胃既前菜。Holy Fried Chicken炸雞好厚身，咬落去滿足到啖啖肉既口感，而且嫩滑juicy，加埋墨西哥菜不可少既辣醬，更加好食。Mixed Seafood Linguini什錦海鮮意粉有帶子、大蝦、青口，意粉煮得軟硬適中，吸收哂蒜蓉汁好香，同時又食到海鮮鮮味。French Toast花生醬淋滿在法式多士上面，非常可口。總結，餐廳食物即叫即整，我哋品嚐左一頓精采既墨西哥美食。