Cuisine Culture

營業中

休息中

今日同舊同事小聚，咁啱就約咗喺中環蘭桂坊呢一區，打算食完之後順便過去SOHO嗰度飲嘢，上網做咗吓資料蒐集，就搵到呢一間隱世嘅法國餐廳，餐廳距離地鐵站出口非常近，行上嚟大概都係大概5分鐘，位置嚟講都算非常方便，絕對容易搵🔥🔥香蒜牛肝菌意粉，餐廳首先用香蒜加埋橄欖油爆香左牛肝菌，令到所有嘅味道揮發出嚟，再配上佢哋嘅意粉，成個口味同埋配搭，我都覺得做得非常好，餐廳嘅意粉亦都唔會做到好軟身，調味上亦都發揮得唔錯，簡簡單單非常好食！🔥香草海鹽燒美國原條牛肋骨配薯條，餐廳用咗美國嘅牛肋骨，佢嘅油花含量適中，而且我覺得喺烹調嘅手法上做得非常好，絕對唔會過火，成個生熟程度控制得非常好，我同朋友都非常鍾意食呢一個牛肋骨！薯條即叫即炸，熱辣辣再點埋茄汁，冇得輸！🔥無花果合桃沙律，合桃沙律再加埋無花果嘅配搭非常好而且餐廳嘅特別配製醬汁令人非常開胃，酸酸地再加埋少少蜜糖我覺得成個配搭上都做得唔錯🔥焗法式地道古也芝士洋蔥湯，洋蔥湯去法式嘅傳統味道，而且佢嘅味道非常濃郁，啱晒鍾意飲洋蔥湯嘅朋友中間再加左麵包同埋芝士，令到口感上嘅層次更加特別！🔥酥皮蘋果批配雪糕，熱辣辣嘅蘋果批再加埋雪糕嘅組合非常好食，雪糕係雲呢拿