DOSE (已結業)

是日同女朋友行完PMQ，亂打亂撞就黎左呢間餐廳食晚餐。裝修簡潔有情調，可能時候尚早未有太多人，環境都幾清靜。餐包外脆內軟，可以配牛油或者點醋食。洋蔥湯原盅上，熱辣辣，足料洋蔥，味道唔錯。點左半份燒豬肋骨，但份量都好多。肉燒得岩岩好 鮮嫩有肉汁，食落又無油膩感。而薯條厚切鮮炸，非常飽肚。呢到環境唔錯，食物性價比高，會再返黎試下其他菜式。