Cuisine Culture

營業中

休息中

今日同朋友就嚟到呢一間中環比較隱世嘅法國餐廳食飯，餐廳主要都係由一個侍應打理，所以佢都幾忙，不過我覺得佢嘅服務態度都幾好，response幾快，樂意分享下有咩好推介。焗古也芝士洋蔥湯 ($68)洋蔥湯飲落好暖胃，入面會有片芝士溶化，芝士嘅鹹香更突出到洋蔥湯甜甜地嘅感覺，係一個好配搭。面頭仲會有片浸滿洋蔥湯嘅蒜蓉包添。法式焗蝸牛 ($98)焗牛肉蒜蓉牛油味好濃，即使佢下低嘅薯蓉都一樣，好香。蝸牛肉質都幾彈牙，唔錯！燒蜜糖檸檬芥茶籽黑毛豬排骨配香蒜薯仔 （$219）唔好睇佢個樣外表平凡，但其實佢好好味。大約有5條豬肋骨，每條都煮到好冧身又入味，唔使切啲肉都可以離骨。醬汁係檸檬芥茶籽，好濃郁，加上佢嘅沙律配菜同薯仔真係唔錯㗎。香蒜牛肝菌意粉 ($138)意粉好香，會聞到陣陣嘅牛肝菌味，材料都好多，而且啲牛肝菌厚肉，有肉汁，意粉彈牙。是日甜品- 麵包布甸 （$78）平時可能一般都會係酒店或者buffet先會食麵包布甸，但呢度嘅麵包布甸都好有水準，好好食，蛋味好重，唔會太甜或好膩。