影片
更多
2022-05-17
4967 瀏覽
中環摩登地中海菜Quiero Más 位於蘭桂坊M88嘅頂層，即使身處鬧市，景觀都算開揚。餐廳樓底高，裝潢摩登充滿異國風情，仲有個幾靚嘅打卡位！菜式方面，有唔少常見嘅Tapas、Paella。味道唔算好有驚喜，但質素都算ok，而且環境舒適氛圍唔錯，幾啱同朋友黎傾下計 再飲返兩杯~𝒯𝒶𝓅𝒶𝓈▪️Truffle & Cheese Bikini $110多士望落平平無奇，但搣開就會見到拉絲芝士！當香脆不失軟熟、金黃富牛油香嘅麵包遇上芝士同黑松露，基本上係不敗組合~ 食落無想像中咁重口味咁驚艶，但黑松露意外地比芝士突出。▪️Give a Flying Fig $158鵝肝入口即化，正常發揮~ 特別鍾意底下嘅麵包夠晒軟熟，可以索晒鵝肝多餘嘅油分，入口充滿牛油同鵝肝香。▪️Dos Dias Patatas $108呢個千層薯仔粒幾得意喎！由多塊薄切薯仔疊成再炸至金黃。外層香脆，內𥚃軟腍得黎 帶點層次感。薯仔味幾岀，咬落脆脆地仲有啲薯片嘅感覺添。蘸埋中間嘅醬汁，微辣濕潤感up。𝒢𝓁𝑜𝓇𝒾𝑜𝓊𝓈 𝒢𝓇𝒶𝒾𝓃𝓈 ▪️Paella Barcelona $398Paella吸滿上蝦頭湯嘅精華，蝦味鮮味相當突岀！飯粒
菜式方面，有唔少常見嘅Tapas、Paella。味道唔算好有驚喜，但質素都算ok，而且環境舒適氛圍唔錯，幾啱同朋友黎傾下計 再飲返兩杯~
𝒯𝒶𝓅𝒶𝓈
▪️Truffle & Cheese Bikini $110
多士望落平平無奇，但搣開就會見到拉絲芝士！當香脆不失軟熟、金黃富牛油香嘅麵包遇上芝士同黑松露，基本上係不敗組合~ 食落無想像中咁重口味咁驚艶，但黑松露意外地比芝士突出。
▪️Give a Flying Fig $158
鵝肝入口即化，正常發揮~ 特別鍾意底下嘅麵包夠晒軟熟，可以索晒鵝肝多餘嘅油分，入口充滿牛油同鵝肝香。
▪️Dos Dias Patatas $108
呢個千層薯仔粒幾得意喎！由多塊薄切薯仔疊成再炸至金黃。外層香脆，內𥚃軟腍得黎 帶點層次感。薯仔味幾岀，咬落脆脆地仲有啲薯片嘅感覺添。蘸埋中間嘅醬汁，微辣濕潤感up。
𝒢𝓁𝑜𝓇𝒾𝑜𝓊𝓈 𝒢𝓇𝒶𝒾𝓃𝓈
▪️Paella Barcelona $398
Paella吸滿上蝦頭湯嘅精華，蝦味鮮味相當突岀！飯粒分明，乾身偏硬，有啲焦脆飯焦。
上面嘅海鮮正常發揮，唔會煮到太乾太韌。味道唔錯，不過就真係貴左啲
𝒟𝑒𝓈𝓈𝑒𝓇𝓉
▪️Chocolate lava cake with banana and caramel ice cream $98
心太軟未影已經爆開左，不過都無礙佢嘅味道。蛋糕外脆內軟，朱古力流心夠晒濃郁夠晒多。最有驚喜嘅莫喎於香蕉焦糖雪糕！入口香蕉味好濃，帶點焦糖嘅餘韻。🍷Quiero Más Sangria (Tinto) $98/glass
張貼
