Sagrantino

營業中

休息中

依間中環日意式西餐廳幫襯咗好多年，一直保持到水準，而且餐廳內有好多日本人嚟食😙，間唔中喺中環午餐，約咗朋友，又想揀一個舒服環境，呢度會係其中一個首選。我最愛嘅雞軟骨意粉，好香蒜蓉味，炒得好入味，而雞軟骨，保持水準外脆內軟，份量都算多夠飽肚。另一個最愛就係三文魚凍意粉，三文魚夠新鮮啦，厚切粒粒，而且唔落醬汁都無問題嘅，因為預先已醃製得好入味，日式冷麵，但又唔係芝麻醬，都咁好食😋，一試難忘。午餐會包沙律或者餐湯，同埋有一杯嘢飲。