影片
更多
2023-11-04
1873 瀏覽
花串@威靈頓廣場位處於蘭桂坊附近威靈頓廣場嘅日式餐廳，裝修簡單環境亦都唔算非常別緻，但確實比到一個清幽嘅環境同朋友一齊吹吓水、品嚐下美食。呢度午市可能會比較熱鬧，但晚市就冇乜人，我哋唔使book位直接Walk in都可以。今餐就得兩個人，都唔係食得好多嘢，咁我哋就唔叫set直接散嗌試多啲唔同嘢。🍣三文魚/油甘魚刺身嚟到日本餐廳首先梗係試吓佢哋嘅魚生先，我哋叫咗啲散叫嘅刺身，佢哋嘅刺身全部都係非常厚切，算係大件夾抵食。而且刺身都非常新鮮，食落超鮮甜。🍙吞拿魚/帶子牛油果手卷跟住我哋試咗幾特別嘅牛油果手卷！兩個小手卷，一個係吞拿魚蓉，一個係大大粒帶子，好食得來又唔會食得太飽。🍡雞肉/明太子魷魚串燒/燒羊架呢度嘅串燒亦都出色，雞肉串燒同燒羊架味道都不過不失，保持到一貫水準。嫩肉多汁而唔會太乾太un。最特別嘅係呢個明太子魷魚串燒，惹味得黎亦都好好咬口，感覺幾特別。🍜牛肉烏冬最後揀返個主食，我哋叫咗個牛肉烏冬，味道都係正常發揮，牛肉唔會好鞋而烏冬都算彈牙。呢度仲有一樣好就係用餐冇限時，食完晚飯可以慢慢傾吓偈先唔使急住走～
位處於蘭桂坊附近威靈頓廣場嘅日式餐廳，裝修簡單環境亦都唔算非常別緻，但確實比到一個清幽嘅環境同朋友一齊吹吓水、品嚐下美食。呢度午市可能會比較熱鬧，但晚市就冇乜人，我哋唔使book位直接Walk in都可以。
今餐就得兩個人，都唔係食得好多嘢，咁我哋就唔叫set直接散嗌試多啲唔同嘢。
🍣三文魚/油甘魚刺身
嚟到日本餐廳首先梗係試吓佢哋嘅魚生先，我哋叫咗啲散叫嘅刺身，佢哋嘅刺身全部都係非常厚切，算係大件夾抵食。而且刺身都非常新鮮，食落超鮮甜。
🍙吞拿魚/帶子牛油果手卷
跟住我哋試咗幾特別嘅牛油果手卷！兩個小手卷，一個係吞拿魚蓉，一個係大大粒帶子，好食得來又唔會食得太飽。
🍡雞肉/明太子魷魚串燒/燒羊架
呢度嘅串燒亦都出色，雞肉串燒同燒羊架味道都不過不失，保持到一貫水準。嫩肉多汁而唔會太乾太un。最特別嘅係呢個明太子魷魚串燒，惹味得黎亦都好好咬口，感覺幾特別。
🍜牛肉烏冬
最後揀返個主食，我哋叫咗個牛肉烏冬，味道都係正常發揮，牛肉唔會好鞋而烏冬都算彈牙。
呢度仲有一樣好就係用餐冇限時，食完晚飯可以慢慢傾吓偈先唔使急住走～
吞拿魚/帶子牛油果手卷&三文魚/油甘魚刺身
72 瀏覽
0 讚好
0 留言
雞肉串燒
47 瀏覽
0 讚好
0 留言
羊架 &明太子魷魚串燒
52 瀏覽
0 讚好
0 留言
牛肉烏冬
89 瀏覽
0 讚好
0 留言
張貼
