影片
更多
2024-12-10
387 瀏覽
🥂自從今年去完西班牙旅行，就深深愛上想了當地嘅小酒館餐室，可以同朋友食飯飲嘢，今次去到中環蘭桂坊一間西班牙小酒館，店舖環境好有氣氛，樓高兩層，上層感覺舒適夠空間感，中央仲設計咗一個旋轉樓梯，下層可以欣賞到廚師認真製作製嘅表演，而家轉咗新Menu 價錢唔貴，廚房精心設計咗六道菜式二人套餐，每一樣味道都好有驚喜，鐘意呢類型嘅小酒館餐廳記得book mark !👉🏻牛蕃茄釀布拉塔流心芝士金奇異果用上原個牛蕃茄中央釀入布拉塔流心芝士，及金奇異果果肉，金奇異果果肉有最甜嘅奇異果味道而見稱，配上流心芝士，切開牛蕃茄𥚃面仲釀左伊比利亞黑毛豬火腿，流心芝士及奇異果果味的味道清新，味道有驚喜而且非常之夾，好鍾意嗰啲西班牙黑醋，酸酸甜甜咁，整體清新開胃👉🏻黑松露比堅尼三文治配24 個月伊比利亞黑毛豬火腿呢個係近期食過最好食嘅三文治之一，烘焗至酥脆的麵包，夾雜咗新鮮黑松露香氣，三文治𥚃面仲有Manchego Cheese,再散發住陣陣的24 個月伊比利亞黑毛豬火腿嘅馥郁陣陣回甘嘅香氣，一口咬落去鬆鬆脆脆嘅口感，絕對係想一食再食嘅味道👉🏻 法式藍芝士煮新鮮法國藍青口用上每日新鮮法國直送嘅藍青口，店家特別用上新
🥂自從今年去完西班牙旅行，就深深愛上想了當地嘅小酒館餐室，可以同朋友食飯飲嘢，今次去到中環蘭桂坊一間西班牙小酒館，店舖環境好有氣氛，樓高兩層，上層感覺舒適夠空間感，中央仲設計咗一個旋轉樓梯，下層可以欣賞到廚師認真製作製嘅表演，而家轉咗新Menu 價錢唔貴，廚房精心設計咗六道菜式二人套餐，每一樣味道都好有驚喜，鐘意呢類型嘅小酒館餐廳記得book mark !
👉🏻牛蕃茄釀布拉塔流心芝士金奇異果
用上原個牛蕃茄中央釀入布拉塔流心芝士，及金奇異果果肉，金奇異果果肉有最甜嘅奇異果味道而見稱，配上流心芝士，切開牛蕃茄𥚃面仲釀左伊比利亞黑毛豬火腿，流心芝士及奇異果果味的味道清新，味道有驚喜而且非常之夾，好鍾意嗰啲西班牙黑醋，酸酸甜甜咁，整體清新開胃
👉🏻黑松露比堅尼三文治配24 個月伊比利亞黑毛豬火腿
呢個係近期食過最好食嘅三文治之一，烘焗至酥脆的麵包，夾雜咗新鮮黑松露香氣，三文治𥚃面仲有Manchego Cheese,再散發住陣陣的24 個月伊比利亞黑毛豬火腿嘅馥郁陣陣回甘嘅香氣，一口咬落去鬆鬆脆脆嘅口感，絕對係想一食再食嘅味道
👉🏻 法式藍芝士煮新鮮法國藍青口
用上每日新鮮法國直送嘅藍青口，店家特別用上新鮮藍青口，味道鮮味鮮甜，共有五款口味分別係香蒜辣油，白酒，意大利羅勒蕃茄，最推薦嘅係法式藍芝士及日式柚子胡椒，呢兩種坊間比較少嘅口味，今次選擇了藍芝士口味，醬汁鹹鹹香香咁，真係顛覆咗本身嘅對藍芝士嘅印象，無咗佢獨有嘅臭，醬汁會品嚐到藍芝士嘅咸香，真係連湯汁都飲埋
👉🏻羅勒茄汁煮意大利薯團
Pasta類別個人鍾意食嘅薯團，一粒粒咁樣煙煙韌韌嘅口感配上羅勒蕃茄汁煮，每一口盡是新鮮嘅蕃茄口味，另外仲可以加$158 轉忌廉奶油煮意大利薯團配法國冬季新鮮黑松露
👉🏻威靈頓阿拉斯加銀鱈魚配帶子慕絲
威靈頓牛就成日食，威靈頓魚就真係第一次食，估唔到都非常之出色，用上阿拉斯加銀鱈魚，魚油豐富魚味特別香濃厚實，帶子慕絲汁帶微微酸，剛剛好平衡了口感，配上法蔥的香氣，味道非常之香，尤其好鍾意佢呢一個法式蘆筍爽脆入味
👉🏻 法式拿破崙千層酥配藜麥 +$48
自家製法式拿破崙千層酥，拌上健康帶脆脆口感嘅藜麥，最正嘅係自家製作嘅雲呢拿雪糕，散發住一種香草味道非常清新，最尾灑上芒果泥，自製奶凍和鮮奶油，估唔到甜品亦係另外一個高潮位，睇得出廚師嘅心思製作，配搭得非常好
👉🏻2022 Villa Girardi Soave Classico DOC (ltaly) $128 / glass
店員介紹嘅一杯白酒，鍾意啲唔酸嘅容易入口嘅口味呢一杯就最啱
🥂Moodie Tasting Menu
原價 : $1088 優惠價 : $768
🥂好鍾意呢個環境氣氛，而且重點每一道菜都係用足心機去設計同埋去整如果香港有黑白大廚嘅話，佢哋呢位大廚絕對可以去參賽，因為每一道菜都出色好有驚喜，食得出廚師嘅用心，而家套餐價錢跟之前舊Tasting Menu一樣，但係食材及選擇方面都升級咗，尤其是鍾意呢度嗰個新鮮藍青口，法式藍芝士個汁真係好好香帶餘韻，而且價錢唔貴，細細嘅一間原來有兩層，坐得舒適自在，之後一定會再帶朋友過嚟再食嘅一間西班牙小酒館餐廳
張貼
