影片
更多
2023-03-21
3573 瀏覽
當你係中環想飲茶 發現周圍預算都好高嘅時候 就要係menu度揀一揀啦 不過呢間係ifc都要兜好耐迷宮先搵到🥲係午餐時間我地就決定專嗌D點心 滿足甜品胃😌呢間雖然定價偏高 但係我覺得應該係貴係師傅嘅巧手手工 同埋成品嘅精緻度 因為當野食上來個一刻我地都真係被驚艷🤭🥠酥皮菠蘿黑豚肉叉燒包💰68一見到酥皮叉燒包就must要嗌啦 出面好多雪山叉燒包 呢度就專做金黃色嘅菠蘿皮叉燒包 睇下同出面有D咩唔同 雖然得麵皮係菠蘿皮 但係包嘅size都真係幾大 大過其他酒樓嘅叉燒包 下面嘅包體望落就比較偏發面包嘅感覺 望落都好味！上面個酥皮做足曬波蘿包嘅兩種顏色 係焦糖同金黃色嘅分別 而口感就係偏軟嘅個種 入面嘅叉燒係長條型 份量都夠多 仲要唔係全部都係醬 入面特別比分嘅點就係有一塊菠蘿 加重左叉燒嘅甜酸感！👐🏻🦢天鵝芋頭酥💰62呢個望落都知自己冇嗌錯 就算食過類似嘅 但係都冇呢個咁栩栩如生 天鵝嘅上半身係硬身嘅餅乾 專門做成天鵝頸嘅形狀仲要加埋一點紅色當係眼 真係好有心思🥺 而身體嘅部分就係芋頭酥 一層一層嘅酥皮拱起反而真係描繪出天鵝絨毛嘅雜亂感一啖咬入去就係滿口嘅芋泥 但係呢隻芋泥係鹹身嘅🤣入面仲有鹹
當你係中環想飲茶 發現周圍預算都好高嘅時候 就要係menu度揀一揀啦 不過呢間係ifc都要兜好耐迷宮先搵到🥲係午餐時間我地就決定專嗌D點心 滿足甜品胃😌
呢間雖然定價偏高 但係我覺得應該係貴係師傅嘅巧手手工 同埋成品嘅精緻度 因為當野食上來個一刻我地都真係被驚艷🤭
🥠酥皮菠蘿黑豚肉叉燒包
💰68
一見到酥皮叉燒包就must要嗌啦 出面好多雪山叉燒包 呢度就專做金黃色嘅菠蘿皮叉燒包 睇下同出面有D咩唔同 雖然得麵皮係菠蘿皮 但係包嘅size都真係幾大 大過其他酒樓嘅叉燒包 下面嘅包體望落就比較偏發面包嘅感覺 望落都好味！
上面個酥皮做足曬波蘿包嘅兩種顏色 係焦糖同金黃色嘅分別 而口感就係偏軟嘅個種 入面嘅叉燒係長條型 份量都夠多 仲要唔係全部都係醬 入面特別比分嘅點就係有一塊菠蘿 加重左叉燒嘅甜酸感！👐🏻
🦢天鵝芋頭酥
💰62
呢個望落都知自己冇嗌錯 就算食過類似嘅 但係都冇呢個咁栩栩如生 天鵝嘅上半身係硬身嘅餅乾 專門做成天鵝頸嘅形狀仲要加埋一點紅色當係眼 真係好有心思🥺 而身體嘅部分就係芋頭酥 一層一層嘅酥皮拱起反而真係描繪出天鵝絨毛嘅雜亂感
一啖咬入去就係滿口嘅芋泥 但係呢隻芋泥係鹹身嘅🤣入面仲有鹹蛋黃 不過呢隻芋泥真係冇咩味 仲會比較乾 要飲水先可以沖淡🥲但係勝在佢嘅外表 就算唔好食都會嗌！
🥟香檳金蝦餃
💰68
呢個蝦餃真係好靚 外皮係鮮豔嘅桃紅色 再加上金箔嘅點綴 真係有香檳金嘅感覺 外皮嘅厚度適中 入面嘅蝦肉就真係爆滿流汁 蝦餃都真係好難難食🤣
🥠蘋果流沙包
💰42
一開始以為係流蘋果蓉嘅流沙包 但係原來係外表係小青蘋果🍏上面仲插左芫茜做小樹苗 真係唯妙唯肖 咬開嘅話就會即刻流心 入面嘅鹹蛋黃沙仲係熱辣辣 份量唔大所以唔係好膩 真係飲茶必食！
🥠太極馬拉糕
💰62
最尾其實想嗌酥皮蛋撻但係賣曬 咁就嗌左我猶疑不定左好耐嘅太極馬拉糕😌太極唔係傳統嘅黑白 係馬拉糕所以係原味嘅土黃色同黑芝麻味嘅黑色 都唔使驚個形狀奇怪好難食 因為已經切開好曬✌🏻加左黑芝麻嘅製品口感都會變得更細膩 回彈性比較差 顆粒感都會更重 視乎鍾唔鍾意黑芝麻 因為呢個黑芝麻味好濃郁 所以都唔錯👐🏻
🥥椰皇棉花雞
💰88
椰皇燉奶食過啦 但係椰皇入面有棉花雞真係諗唔到🫣入面有好嫩滑類似北菇蒸雞嘅雞塊 冬菇同埋雞湯 椰盅入面嘅椰肉都可以食架！不過個人喜愛度唔係好高 可以試下都無妨嘅
🫔花之戀(蟹籽春捲)
💰62
講起花之戀當然係日式壽司啦 但係呢個外觀同花之戀有關嘅就係上面一樣嘅蟹籽 下面就係炸得酥脆又條條裹埋一齊嘅春捲 入面係蝦肉 醃過會比較鹹 整體唔算太油膩！
整體來講呢度師傅嘅手工真係好好😗我已經諗緊就咁嗌湯圓會同出面嘅湯圓有咩分別🤣不過就咁食呢度嘅所有菜品都值得一試！
📌舍 (中環)
中環港景街1號國際金融中心商場3樓3025-26, 3031-3066號舖
張貼
