影片
更多
2021-05-13
484 瀏覽
一早已經有留意開依間餐廳見係母親節 一早已經上網book定位準時六點到達餐廳 大概只有兩枱客到咗咁呢我哋就一行三人去嘅 侍應睇完Booking之後就帶咗我哋去大堂中間嘅一張二人枱我同阿爸阿媽都呆咗 我哋三個人企咗喺度等侍應set第三個位見係大時大節 我哋都冇跳船 照坐低咗跟住就係極唔滿意嘅一餐嘅開始其實餐廳菜式嘅選擇唔多 所以樣樣都係招牌菜飲慣港式羅宋湯 依個傳統羅宋湯 確實唔夠味鹿肉 - 一放落枱成個韓式鍋咁滾緊 味道OK嘅鹿肉唔係特別‘so’另一個招牌酥皮焗牛脷 - 牛脷炆得林得滯 個酥皮又硬到成塊餅咁 浸落啲汁道都浸唔淋仲嗌咗個薯仔餃子 不過食到呢個時候張枱已經冇位擺 所以都冇心機影相 如果餃子亦都唔啱口味小妹有幸幾年前去過波的三國 當地好興一種飲品叫kvass 係當地超市賣得平過可樂嘅見依道都有得嗌 咁就叫左兩枝回味下 依個size索價$65枝 味道有啲似酸梅湯 定價有點兒過高其實成餐飯味道都係其次 食傳統菜當然係唔同香港嘅口味 重點係侍應嘅服務同場地安排好有問題正如文章開頭所講我哋三個人入去食飯 竟然係安排一張二人枱 仲要係未set好枱嘅 我哋一路食飯 留意到後面有另一枱客都
見係母親節 一早已經上網book定位
準時六點到達餐廳 大概只有兩枱客到咗
咁呢我哋就一行三人去嘅 侍應睇完Booking之後就帶咗我哋去大堂中間嘅一張二人枱
我同阿爸阿媽都呆咗 我哋三個人企咗喺度等侍應set第三個位
見係大時大節 我哋都冇跳船 照坐低咗
跟住就係極唔滿意嘅一餐嘅開始
其實餐廳菜式嘅選擇唔多 所以樣樣都係招牌菜
飲慣港式羅宋湯 依個傳統羅宋湯 確實唔夠味
鹿肉 - 一放落枱成個韓式鍋咁滾緊 味道OK嘅鹿肉唔係特別‘so’
另一個招牌酥皮焗牛脷 - 牛脷炆得林得滯 個酥皮又硬到成塊餅咁 浸落啲汁道都浸唔淋
仲嗌咗個薯仔餃子 不過食到呢個時候張枱已經冇位擺 所以都冇心機影相 如果餃子亦都唔啱口味
小妹有幸幾年前去過波的三國 當地好興一種飲品叫kvass 係當地超市賣得平過可樂嘅
見依道都有得嗌 咁就叫左兩枝回味下 依個size索價$65枝 味道有啲似酸梅湯 定價有點兒過高
其實成餐飯味道都係其次 食傳統菜當然係唔同香港嘅口味 重點係侍應嘅服務同場地安排好有問題
正如文章開頭所講我哋三個人入去食飯 竟然係安排一張二人枱 仲要係未set好枱嘅
我哋一路食飯 留意到後面有另一枱客都係有依個情況 佢哋就有同餐廳職員反映 最後獲安排坐返四人枱
我哋都有禮貌地問侍應其實係嗰晚特別日子安排得咁迫 定係佢不嬲都係坐得咁迫 得到嘅回答係會同老闆反映 侍應話佢自己啱啱比第二枱客鬧完 唔好意思
當然最後我哋係冇得到答覆
而我哋成餐飯隔離張二人枱都係冇人坐嘅
真係一路食飯一路背脊骨落
都算喇
但係另一個問題就係張枱太細
佢哋張枱嘅setting係每人有放一隻大嘅吉碟用嚟share野食
當上咗兩樣菜之後 其實張小小嘅二人枱已經冇位 而侍應再上其他菜嘅時候 係完全冇諗過幫手執一執張枱 然後再放啲菜系中間嘅
兩次都係直接放咗係枱邊就走左
我哋當堂眼都突埋：咁都得？？👀👀👀
大佬我唔係食街坊茶記喎
好啦都想嗱嗱臨食完就埋單走人
其實間餐廳都有用心裝修嘅 所以好多食客都有叫餐廳職員幫手拍照留念 但係我哋坐正餐廳嘅正中心 360度點影都影到後邊啲人 所以我哋就放棄咗
而係我哋埋咗單嘅時候 我右手邊嗰台食客又叫職員幫手影相 今次個職員過分到行咗去我左手邊 然後喺正我頭頂揸機幫佢哋影相喎🤷🏻♀️
呢個真係忍唔到😡😡😡
依個故事教訓我
1千其千其唔好再正日前後出街食飯
2 就算3個人食飯都要book 4位
真係谷鬼氣呀 黃店又點 絕對唔建議去試
張貼
