犀牛犀牛 (中環街市)

營業中

休息中

中環食晏，週圍都好多人，唔係等位就排隊等外賣。今日去咗中環街市，有一排檔仔都係専做外賣。見到呢間條隊得一兩個人，又係輕食類，又見唔係有多地方有得食台式蛋餅，咁就決定試下呢間。雖然係即叫即整，但又唔使等好耐，啱晒我呎d要趕返公司做野嘅打工仔。最緊要係一個肉鬆蛋餅都係30蚊，完全飽肚，又唔傷荷包。個外賣攞到返公司都仲熱，個皮仲係脆餐廳無因為繁忙時間而煎唔透，呢個大讚，可以再食。而味道方面，係最穩陣的肉鬆蛋，味道無驚喜，四平八穩。