影片
更多
2023-03-13
929 瀏覽
作為芝士控嘅一份子，知道Pici推出咗個全新”Chasing Cheese” menu用咗八種黎自意大利唔同地區嘅芝士入饌，當然第一時間要黎食。無論係前菜、意粉，甚至係甜品都可以見到芝士嘅蹤影，如果兩個人黎食叫tasting menu就可以食勻哂。呢到嘅tasting menu($290 pp)非常抵食，比單點平，可以食到兩款前菜、三款意粉同兩款甜品，可以喺基本menu或者今期嘅”Chasing Cheese” menu到揀(部分需要加錢)。因為d手工意粉太好食，我哋另外再加咗款添。Ricottina di Bufala $120先上嘅前菜係新鮮水牛軟芝士配拖鞋麵包。水牛芝士好似cream 咁幼滑，面頭嘅係薰衣草蜂蜜，帶淡淡薰衣草幽香，搽喺烘到脆身嘅麵包上面食就岩哂。Baked Tomino “In Camicia” $140/Tasting menu +$10非常推介呢款前菜，焗流心芝士加上煙燻火腿薄脆，配搭迷迭香蜂蜜，入口先係食到軟滑流心芝士同烘到脆卜卜火腿嘅雙重口感，香濃芝士同鹹香火腿味道好夾，仲有香甜蜂蜜味做點綴。Charcoal Tagliolini Sea Urchin $
呢到嘅tasting menu($290 pp)非常抵食，比單點平，可以食到兩款前菜、三款意粉同兩款甜品，可以喺基本menu或者今期嘅”Chasing Cheese” menu到揀(部分需要加錢)。因為d手工意粉太好食，我哋另外再加咗款添。
Ricottina di Bufala $120
先上嘅前菜係新鮮水牛軟芝士配拖鞋麵包。水牛芝士好似cream 咁幼滑，面頭嘅係薰衣草蜂蜜，帶淡淡薰衣草幽香，搽喺烘到脆身嘅麵包上面食就岩哂。
Baked Tomino “In Camicia” $140/Tasting menu +$10
非常推介呢款前菜，焗流心芝士加上煙燻火腿薄脆，配搭迷迭香蜂蜜，入口先係食到軟滑流心芝士同烘到脆卜卜火腿嘅雙重口感，香濃芝士同鹹香火腿味道好夾，仲有香甜蜂蜜味做點綴。
Charcoal Tagliolini Sea Urchin $190/Tasting menu +$20
呢款中環店先食到嘅海膽忌廉汁珍珠帶子竹炭細扁麵，手工製作嘅扁麵加入咗竹炭，口感非常彈牙，個海膽忌廉醬汁濃郁creamy，仲有粒粒帶子喺入面。
Ravioli al Gorgonzola $160
同樣係中環店限定嘅藍紋芝士紋芝士威士忌蘑菇醬意大利雲吞，雲吞係船仔形狀可以兜住啲醬汁，粒粒蘑菇加上芝士做成醬汁，仲有少少威士忌嘅酒香。
Maccheroni Truffle & Gorgonzola $190/Tasting menu +$20
意粉方面個人最鍾意呢款special menu入面嘅焗松露拉絲藍紋芝士長卷麵。松露加埋芝士焗完出黎真係超香，加埋面頭焗到燶燶哋嘅芝士粉，芝味十足。手工製長卷麵好少地方有得食到，超煙韌嘅口感，加上每一啖都俾濃嘅香濃松露芝士汁覆蓋住，超滿足。
Ravioli Bottoni ‘Nduja & Smoked Scamorza $170
另一款special menu嘅pasta係呢款辣豬肉煙燻水牛芝士意大利雲吞。雲吞外表成個波咁好得意，一咬落去d辣汁同豬肉喺口入面爆出黎，芝士仲有獨特嘅smoky flavour，非常有特色。
Burrata Cheesecake $140/Tasting menu +$20
甜品方面就叫咗special menu入面二人份量嘅呢款布袋芝士蛋糕配士多啤梨蕃茄果醬。估唔到個蛋糕好大個，一拎起個蛋糕模，d士多啤梨蕃茄果醬就會喺蛋糕面流落黎，非常有心思。個醬汁因為係士多啤梨加蕃茄，除咗士多啤梨酸酸甜甜嘅味道之外，仲有蕃茄好清新嘅感覺，令個芝士蛋糕食落冇咁溜。
Prosecco $70
朋友叫咗杯汽泡酒，甜甜哋容易入口，而且keep住有汽泡。
Italian Passion $65
我就叫咗呢杯無酒精cooler，用咗成半個熱情果，加上檸檬、羅勒同梳打水調製，果香濃郁，味道清新。
。
。
Pici (中環)
中環蘇豪鴨巴甸街24-26號地舖
。
。
張貼
