Pinot Duck (已結業)

今日放咗工同屋企人食餐好嘅！ 佢哋話有一間fusion 菜好想嘗試！ 一開始已經俾佢好型嘅裝修吸引着，成個感覺好有格調！ 入邊嘅環境比較昏暗，我覺得好浪漫。一開始完全估唔到入邊會有中菜，因為啲裝修偏向西方！ 今次就帶咗佢出名嘅片皮鴨，呢間好好，佢有得叫半隻，因為好多時如果只可以嗌全隻嘅話，就唔可以試到其他菜！ 呢度嘅片皮鴨有肉連皮一齊，佢地切得好均勻，而且鴨肉偏瘦！ 佢呢度嘅配料有蒜蓉，有京蔥，同埋必備嘅青瓜。 配蒜蓉食我都係第一次！ 估唔到都幾特別同埋都幾夾㗎！ 而醬料都有兩款可以選擇！ 我哋仲帶咗八寶茶碗蒸旦$68 造型好精緻，打卡一流！ 入邊好多材料！ 蒸蛋蒸得啱啱好！ 好滑