是但求其食 (已結業)

.今次專登去咗試元朗新開嘅一間中西菜mix嘅餐廳，食物質素同餐廳名係相反嘅，食落都有驚喜。黑松露野菌pizza（$98）🍕pizza皮薄，食落仲好香脆。黑松露味道好香，不過呢個價位就唔會見到一片片黑松露，只係用左黑松露醬，不過依然有黑松露香嘅。明太子海鮮意粉（$108）🍝意粉唔會太淋，又有口感。仲有份量都多嘅明太子同埋海鮮：有魷魚，蝦，青口。食落都好彈牙，水準都唔錯。法式白酒煮蜆（$88）蜆肉好大粒，一碟都有成十幾粒左右，酒味唔會太濃，食完好開胃。飲品叫咗熱情果茶同埋鴨屎香奶綠，唔會太甜，中規中矩。