金華冰廳

營業中

休息中

每次假日經過金華都見佢大排人龍買菠蘿包，聽聞好好食，今日經過無人排隊，決定買一個試下。阿姐一早已經將一個個菠蘿包入好紙袋，一買，佢就會即刻遞比你。有好有唔好啦，好既咪快囉，唔好就係菠蘿包個皮會淋左啲囉。不過生意可能太好，咁樣做係會快啲既~但顧客既角度，寧願等多陣。攞上手，已經唔暖，相信已經出左爐一段時間。一咬落去，菠蘿皮只可以話微脆，有牛油味。個包好重身，唔似食左陣風既感覺，但唔係好香。只可以話好飽肚，好足料。以佢既人氣，未至於令人一試難忘。但呢個時勢，佢仲係賣緊6蚊，已經好難得，係抵食既，但唔算好食。