知味小館

營業中

休息中

下午來到這間毫不起眼的餐廳食，點解說它毫不起眼? 位置的確少少僻靜，人流好少，而且細細間，冇咩吸引到食客的佈置，有都不及旁邊的新創發茶餐廳吧!這間食的係上海麵呀、北京水餃呀之類的東西; 飲的是類似仙跡岩的台式野。今天我只點了北京水餃麵(上海麵)，等了一會就有得食，都算好大碗，又有好多菜，而果3 隻水餃的size都算合理。$ 22 一碗於馬鞍山黎講算平tim !第一口食麵，都不過不失。再來一口餃子，又不算太多肥豬膏，菜和肉的比例都不錯，湯底不是用什麼特別的湯，也不算油。除左蔥花之外，仲有少少粟米粒，賣相及味道尚算接受。由入黎到俾錢走，全店都沒有食客，除了我。星期日來說，非常淡靜。