影片
更多
2018-02-18
180 瀏覽
想同朋友食返啲傳統嘅中餐。之後，見有朋友介紹呢間私房菜好似唔錯，好抵食好大分咁，就上去試下。由於我哋約咗星期五晚聚會啦，所以我哋就趁早打電話去book位訂枱。然後嗰日去到嘅時候發現星期五都滿座。雖然餐廳環境有少少擠迫，但服務質素唔錯，侍應都好主動咁成日幫我哋添茶。我哋坐低咗之後就嗌咗個南非鮑魚至尊盆菜餐。第一度嚟嘅就係冷頭盤，名為四醉拼，分別就有醉雞、雲耳、豬手同埋鴨舌。雲耳開頭食落都非常之爽脆彈牙，但係下面嗰啲就浸得太多酒就有少少偏鹹。啲醉雞起咗骨，食起上嚟嘅時候好方便，同埋吸咗啲酒味都非常之香濃。而豬手就好大份同埋食落爽口。第二道菜係湯。一打開個蓋就見到個湯非常之足料，同埋充滿咗肉，仲有好大塊嘅花膠。飲落清甜而唔油膩，啲湯料有Ｄ太多，食唔曬覺得有d浪費。 之後就上盆菜，大家都驚嚇咗一下因為真係份量超大，非常足料！尤其係隻蝦非常鮮甜好食，個醬又好特別。另外嘅一個驚喜就係盆菜入面竟然有烏冬！仲要係索咗啲濃郁湯底嘅烏冬！超滋味搞到我同朋友要搶食！阿老闆仲成日走過嚟幫我地加湯底，認真之好服務。個盤菜真係非常之豐富，包括有：鮑魚、魚肚、瑤柱、帶子、髮菜、芋頭、蘿蔔、娃娃菜等等．．． 真係多到
由於我哋約咗星期五晚聚會啦，所以我哋就趁早打電話去book位訂枱。然後嗰日去到嘅時候發現星期五都滿座。雖然餐廳環境有少少擠迫，但服務質素唔錯，侍應都好主動咁成日幫我哋添茶。我哋坐低咗之後就嗌咗個南非鮑魚至尊盆菜餐。
第一度嚟嘅就係冷頭盤，名為四醉拼，分別就有醉雞、雲耳、豬手同埋鴨舌。雲耳開頭食落都非常之爽脆彈牙，但係下面嗰啲就浸得太多酒就有少少偏鹹。啲醉雞起咗骨，食起上嚟嘅時候好方便，同埋吸咗啲酒味都非常之香濃。而豬手就好大份同埋食落爽口。
第二道菜係湯。一打開個蓋就見到個湯非常之足料，同埋充滿咗肉，仲有好大塊嘅花膠。飲落清甜而唔油膩，啲湯料有Ｄ太多，食唔曬覺得有d浪費。
之後就上盆菜，大家都驚嚇咗一下因為真係份量超大，非常足料！尤其係隻蝦非常鮮甜好食，個醬又好特別。另外嘅一個驚喜就係盆菜入面竟然有烏冬！仲要係索咗啲濃郁湯底嘅烏冬！超滋味搞到我同朋友要搶食！阿老闆仲成日走過嚟幫我地加湯底，認真之好服務。個盤菜真係非常之豐富，包括有：鮑魚、魚肚、瑤柱、帶子、髮菜、芋頭、蘿蔔、娃娃菜等等．．． 真係多到食唔曬！
老闆見我哋挑戰咗咁耐都食唔曬於是就提議畀我哋打包返屋企當聽日加料，好貼心！
食食下途中仲轉左壺靚既鐵觀音，應該係用黎消滯！
之後就嚟咗個臘味糯米飯，個飯嘅硬度啱啱好唔會太油利唔會太淋，但同樣地都係食唔曬，所以又打包咗返屋企。
最後就上埋甜品 - 係薑汁芝麻湯圓！喺咁凍嘅天氣下飲薑汁真係非常之貼心嘅安排，最後我地個個都捧住個肚甘番屋企超滿足！
張貼
