Fûhn (香港逸東酒店)

營業中

休息中

本身係油麻地，開APP見到呢間越南粉有半價，就決定過嚟試下啦！我哋兩個人叫咗一碗特色牛湯粉同埋燒豬頸肉。入面有生牛肉，牛腩，牛筋，牛丸，牛腩邊同埋牛柏葉，一碗就已經可以試晒咁多樣，對於選擇困難嘅我黎講，真係好開心！係咁多樣配料入邊，我最鍾意就係佢嘅牛筋，佢切到一條一條，唔會好痴牙，而且非常嫩滑。牛腩亦都煮得好林，一咬就開，完全唔會起渣。而豬頸肉加左香料去調味，而且炸得好乾身，好食到停唔到口啊！其實當時亦有下午茶餐可以選擇，只不過半價後，單點好似仲抵食，如果未夠鐘半價，都可以黎試下下午茶餐！