喜喜冰室 (已結業)

明知今日要等到好晏先有得食午餐, 當然要食一個超級豐富既早餐.坐車經過見到有喜喜冰室,咁就決定來此店食個早餐.見到有一個重量級早餐就叫來食...這一個牛扒早餐份量都幾多一大塊牛扒,仲有薯蓉, 二片厚火腿, 煎蛋及茄汁豆...最正係塊蒜蓉多士好多脆又軟綿綿...至於個牛扒肉質都唔錯又多汁, 而且此店既火腿比一般茶餐廳厚身又有煎過都幾香口.整體上這一個早餐真係份量十足, 而且味道亦好好味, 再加上此店既檸檬茶茶身夠濃而不苦澀下次有機會都會再來嘆個早餐.