影片
更多
2017-10-09
3801 瀏覽
由於賴生今日係新界區有野做既關係，體貼既屈小姐今日都專程入到黎陪賴生，做野之前當然要注入足夠既能量，同時又要獎賞下呢個咁體貼既女朋友（有小小作感冒都專登過黎陪賴生，辛苦你了），所以賴生一早就訂左位帶屈小姐去Yoho Mall新開既Outback食牛扒同黑糖包！（2款都係屈小姐喜愛既食物）黎到Yoha Mall 1期2樓，係正C.S.Counter正對面，就見到Outback既outside seating，座落正係商場正中間，其實都好容易搵到! 係呢度有個貼士比一比大家，因為Yoho Mall既outback都幾多人食(特別夜晚)，假如你唔想等咁耐，梗係打電話訂左座先啦，如果都full左，有一個方法可以快少少拎到位，就係用設立於係商場唔同位置柱上既電子商戶指南，入面可以拎飛先，選擇outback之後，輸入人數，再用手機影到張飛既號碼，就可以當排左隊拎位，而且部機仲會顯示埋現時既叫號，方便你因番時間過去嫁!!聰明既屈小姐一早就提左賴生訂位啦 今次就坐內廳，樓底超高，空間感好大! 而賴生同屈小姐仲坐到卡位添，好舒服同闊落，正! 賴生仲留意到今日有好多Family一家大細黎outback食l
黎到Yoha Mall 1期2樓，係正C.S.Counter正對面，就見到Outback既outside seating，座落正係商場正中間，其實都好容易搵到! 係呢度有個貼士比一比大家，因為Yoho Mall既outback都幾多人食(特別夜晚)，假如你唔想等咁耐，梗係打電話訂左座先啦，如果都full左，有一個方法可以快少少拎到位，就係用設立於係商場唔同位置柱上既電子商戶指南，入面可以拎飛先，選擇outback之後，輸入人數，再用手機影到張飛既號碼，就可以當排左隊拎位，而且部機仲會顯示埋現時既叫號，方便你因番時間過去嫁!!
聰明既屈小姐一早就提左賴生訂位啦 今次就坐內廳，樓底超高，空間感好大! 而賴生同屈小姐仲坐到卡位添，好舒服同闊落，正! 賴生仲留意到今日有好多Family一家大細黎outback食lunch丫!! (唔知幾時到賴生同屈小姐一家人咁去呢....)
望住呢張餐牌，對於對外聲稱減緊肥既我地黎講，只係見到2隻字 - 『邪惡』! 不過即使幾邪惡，都要豁出去一次嫁喇! 食lunch set 真係好抵呀!! 包左餐湯，沙律同餐飲，仲要平夜晚好多，一塊Rib eyes由3xx 變 2xx 仲包咁多野，間唔中食下真係幾抵架!! 當你落完單之後，outback既皇牌就會準備為你送上....
黑糖包
105 瀏覽
0 讚好
0 留言
黑糖包係免費嫁!!仲可以追加添!! 只要你叫左野食就得啦!! 新鮮熱辣既黑糖包就會為你送上!! 呢個黑糖包真係OUTBACK既神作，可以話係最好食既出品!! 個包內層鬆軟香甜，外層就焗到有層有咬口既外皮，再係面度"嬸"左D谷麥粒，令個包既外層帶咬口得黎，又會有粒粒脆卜卜既口感!! 再者，你切開左個包之後，係包中間用刀開個窿，擺少少牛油入去，等熱力將佢融化，咁樣個黑糖包就更香，內層仲會滑左!! 讓人欲罷不能!!牛油又唔會太重味，同一般食開既牛油唔同，但同個黑糖包夾埋一齊，就將成件事昇華啦
記得上枱就要趁熱食!! 佢既味道係同溫度成正比嫁!! 由於係免費既野食都可以做得咁有心思同水準，值得比爆5⭐️
Tomato Basil Soup & Salad
434 瀏覽
1 讚好
0 留言
2) Tomato Basil 餐湯 : 4.5⭐️
個餐湯係橙色既，唔係蕃茄既鮮紅色，但味道都有好香甜既蕃茄味嫁!! 除左蕃茄同Basil，仲加左甘筍，洋蔥同Cream。加cream令個湯更濃郁，屈小姐飲左幾啖都覺得好好味，但係就太杰身，杰到似醬汁咁。 甘荀同洋蔥提升左蕃茄湯既甜味，中和晒蕃茄既酸味，再有Basil既香料味滲入整碗湯入面，入口先甜帶微酸，再有香料味侵襲，層次豐富，(怕肥既)屈小姐仲出讓左個湯比埋賴生飲添
3) Salad : 4⭐️
減緊肥既我地，為左可以減輕少少罪疚感，我地2個麻煩寶寶要求左Dressing on side，擁有超強自制心既屈小姐冇點到個dressing，而為食既賴生為左試味點左一點，係蜜糖芥末汁，甜甜地，都幾好食! 至於沙律菜有好多種，有甘筍絲，羅馬生菜，紫椰菜同蕃茄粒! 要讚既係蕃茄粒好fresh好juicy，粒粒都爆汁咁，甘筍絲就稍為乾左d啦~~~可能擺得太耐
Rib eyes (10oz)
$218
75 瀏覽
0 讚好
0 留言
4) Rib eyes(10oz) : 4.5⭐️
趁住lunch time比較平既關係，我地叫左塊邪惡到爆既rib eyes食!! 熟度係medium，邊位呢，就稍微過左火，un左少少，但到中間既位置就好淋好嫩!! 不過，本身牛肉味就唔太出，佢配左個黑椒汁比你點，但你點左既話，就會淨係食到隻醬既味同塊扒既口感
如果你同我地一樣，都鍾意食到牛扒本身既牛肉味，你可以拎枱面樽鹽，係2邊牛扒面度落少少，個牛肉味即時逼晒出黎，連同屈小姐食到好西既幸福樣一齊出現!! 如果近邊位既牛扒都控制到火喉，呢塊扒既CP值同美味值都值得比5⭐️
Beef Skewer Creamy Risotto
$108
63 瀏覽
0 讚好
0 留言
5) Beef Skewer Creamy Risotto : 4⭐️
愛好食牛肉既我地，另一道菜都叫左牛，不過係烤牛肉串配白汁意大利飯!
烤牛肉串 : 牛肉就UN左D，牛肉味唔重，落少少鹽食會好D，不過D烤磨菇呀，椒呀，洋蔥就好正。磨菇好香，洋蔥同椒好淋好甜!!
白汁意大利飯 : 個意大利飯好Creamy，不過飯就煮得太熟，無左咬口! 但佢落左芝士碎，溶晒落個汁度，仲加左青豆，補番D口感，同埋加左蕃茄仔，帶少少酸味，中和番白汁既油膩感
熱檸茶 & 凍檸茶
33 瀏覽
0 讚好
0 留言
我地好欣賞佢既貼心服務，凍檸茶既糖漿係分開上既，可以自由控制甜度! 而熱檸茶佢就分開茶包同檸檬比你，檸檬浸得熱水太耐會有澀味，分開上就唔怕啦!! 唔錯唔錯!
#好滿足既一餐
#偶而都要放縱一下
#秋風起牛扒肥
#要好好寵愛你
張貼
