富山居 (裝修中)

哈哈，今日去食日式野，見佢門口有個一蚊加龍蝦嘅優惠，淨係讚好社交平台就可以有半隻龍蝦，咁大隻蛤乸隨街跳，我梗係唔執輸要入去食啦🤣餐廳環境又幾好，裝修簡潔但坐得舒服。而且店員相處氣氛幾好，有講有笑，應該做得幾開心🙈當然佢哋嘅服務態度都好好👍🏻🍴十勝厚切豬扒，話明厚切果然好大塊，絕無偷功減料🤭咬落去啖啖肉好正！而家仲煎得好香脆！我就梗係立即社交平台讚好加一蚊食板燒蒜香牛油燒龍蝦半隻，真係原隻開半，好香牛油味🥰抵食到爆啦！叫多個三文魚腩刺身，肥美鮮甜，無得頂呀👍🏻