鮨白鳥 (已結業)

🌟平時最鍾意食日本嘢，特別係壽司同刺身，今次就同男友去到呢間位於尖沙咀嘅「鮨白鳥」試試佢地嘅特色午市定食！餐廳以木系為主，極簡舒適，分為卡位同吧壽司吧桌位兩邊，卡位仲有布廉相隔，更有私隱度！卡位位置上方仲有紙製的雲形燈，幾特別🤗壽司定食($298)先一碗茶碗蒸，蒸蛋好嫩滑又蛋香 ，加上不少配料，如冬茹同元貝等，更添鮮味！而主角壽司定食就有7件壽司同3件小卷，每一款都各具特色，店員先同我地逐一介紹，當中包括有牛鰍魚、左口魚、牡丹蝦、中拖羅、深海池魚，吞拿魚蓉小卷，仲有一款比較印象深刻的吉備內子，個名好似日本人名咁😂，呢款係鹿兒島特有，係一種銀帶魚，魚味較清淡，帶點回甘。另外我至愛中拖羅，好肥美，油脂好香，牡丹蝦亦好新鮮，好鮮甜🤩🍣豪華刺身定食 $298同樣先上一碗茶碗蒸，刺身定食賣相好精緻，包括有左口魚、牡丹蝦、中拖羅、深海池魚同海海膽，再配上2款漬物同白飯，整體質素質素都不錯，好新鮮！特別愛牡丹蝦爽口彈牙，海膽味道香濃又鮮甜，仲有中拖羅好厚切又肥美，入口即融，正！最後仲有面麵豉湯同甜品，今次嘅甜品係黃豆粉蕨餅每塊蕨餅都沾上滿滿嘅黃豆粉，味道好香濃，蕨餅又軟糯香甜，味道好好呢！