影片
更多
2019-05-23
47 瀏覽
星期五晚收完工喺旺角行街🚶♀️，經過見到呢個試伏嘅牌，心諗幾搞笑，唔通會突登整啲伏嘢俾人食？唔通係明將啲friend? 我份人最大膽，即管入黎試下係咪伏。有時夜晚諗到食乜好，串燒都係一個幾好嘅選擇，少少地一串，又可以叫好多唔同款。環境方面，呢度係街坊小店，面積唔大，只係擺到幾張枱，裝潢屬工業風，主色調係黑色，旁邊有啲日式木造吊飾，尚算企理。食物方面，呢間嘢種類繁多，有成兩頁紙，當中好多款都有麻辣version，鐘意川味🌶嘅重口味人士有福了!亦都有好多日本嘅酒🥂可供選擇，可以小酌，食住串燒摸下杯底，都幾梳乎。不過我就不沾酒嘅，又怕熱氣，所以叫左罐王老吉飲。麻辣魷魚鬚同黑豚肉韭菜花卷。魷魚鬚新鮮彈牙，麻辣嘅調味十足譚仔嗰種重慶麻辣湯底嘅味道，麻同辣兼備，十分平衡，食完成個嘴都麻晒，不過我就覺得食海鮮，調味蓋過鮮味係有啲浪費，如果有得用揀燒汁可能更好。大愛黑豚肉韭菜花卷！韭菜花爽脆清新又唔乾，好juicy~麻辣白鱔又一推介👍🏻白鱔肉質鮮嫩，皮燒得香脆，配合麻辣嘅調味食得過癮。地道牛肉串及惹味手切雞腎呢兩款嘅醬汁好似係同一隻汁，都好嘢味好襯配肉類！我個人就幾鐘意雞腎嘅口感，脆得黎唔韌。呢個惹味
有時夜晚諗到食乜好，串燒都係一個幾好嘅選擇，少少地一串，又可以叫好多唔同款。
環境方面，呢度係街坊小店，面積唔大，只係擺到幾張枱，裝潢屬工業風，主色調係黑色，旁邊有啲日式木造吊飾，尚算企理。
食物方面，呢間嘢種類繁多，有成兩頁紙，當中好多款都有麻辣version，鐘意川味🌶嘅重口味人士有福了!
亦都有好多日本嘅酒🥂可供選擇，可以小酌，食住串燒摸下杯底，都幾梳乎。不過我就不沾酒嘅，又怕熱氣，所以叫左罐王老吉飲。
麻辣魷魚鬚同黑豚肉韭菜花卷
5 瀏覽
0 讚好
0 留言
麻辣魷魚鬚同黑豚肉韭菜花卷。
魷魚鬚新鮮彈牙，麻辣嘅調味十足譚仔嗰種重慶麻辣湯底嘅味道，麻同辣兼備，十分平衡，食完成個嘴都麻晒，不過我就覺得食海鮮，調味蓋過鮮味係有啲浪費，如果有得用揀燒汁可能更好。大愛黑豚肉韭菜花卷！韭菜花爽脆清新又唔乾，好juicy~
麻辣白鱔
$42
6 瀏覽
0 讚好
0 留言
麻辣白鱔
又一推介👍🏻白鱔肉質鮮嫩，皮燒得香脆，配合麻辣嘅調味食得過癮。
地道牛肉串及惹味手切雞腎
7 瀏覽
0 讚好
0 留言
地道牛肉串及惹味手切雞腎
呢兩款嘅醬汁好似係同一隻汁，都好嘢味好襯配肉類！我個人就幾鐘意雞腎嘅口感，脆得黎唔韌。
惹味豬大腸
$22
0 瀏覽
0 讚好
0 留言
呢個惹味豬大腸超好食！好特別嘅topping，係鹹蛋黃，甘香得黎配埋豬大腸嘅肥美，好邪惡呀！
芝士蜜糖芋頭條
$38
2 瀏覽
0 讚好
0 留言
呢個芝士蜜糖芋頭條，拉絲嘅效果令人垂涎三尺!! 就咁睇都知道佢啲芝士份量比得幾豪爽!!
麻辣蒜茸茄子
$32
4 瀏覽
0 讚好
0 留言
燒烤來講呢，茄子🍆真係走唔甩，蒜蓉同茄子簡直係最佳拍檔，加上麻辣嘅調味，好味又刺激~
仲叫左啲行嘢，例如雞翼嗰啲，冇乜特別就唔多介紹啦！驚食唔飽在帶咗啲飽肚嘅嘢，例如係檸蜜牛油包同埋鰻魚炒飯，估唔到個飯原來都幾大碗，真太飽啦，最後係食唔晒嘅！
因為實在太飽啦，所以最尾都冇再order到免費俾你試伏嘅一串串燒，有興趣嘅話，建議你地早啲講定話想試～
埋單盛惠$362 再加一👍🏻好飽嫁，幾抵食！可以返啅！
張貼
