影片
更多
2009-11-13
本身唔係打算嚟呢間食嘢嘅，不過見到原本打算去嘅一間食店外觀麻麻，咁就去咗呢間食。估唔到會有意外收穫!上到去，可能自己少去西環食嘢，估唔到裝修同座位都非常唔錯，座位好舒服!啲侍應都係後生仔，服務ok，一叫即到!我睇過menu上嘅二人餐，同我老婆都覺得唔啱食，因為我同佢都唔鍾意食魷魚同雞，因為燒嚟食嘅話就麻麻地好食，所以就決定散叫。叫咗一個雪花牛(8片，$98)、一個和牛(8片，$98)、一個京蔥($30)、一個什菜、一個對蝦(2隻，$128)、一個帶子(8片，$88)、一個牛舌(8片，$88)同3支啤酒($16一支)。雪花牛嘅牛味比另一個和牛嘅味比起就重啲，而油份啱啱好，好有肉汁味；而和牛就油份多啲、而無咁重牛肉味；牛舌就夠厚身同有咬口，送啤酒一流!而京蔥就夠甜，帶子又新鮮；最正係個蝦，啲蝦膏係一燒熟咗夾上碟時，真係香都你唔信!!!啲蝦肉又食得出嘅新鮮!我喺大約2個月前食過伊呂波，如果呢間同前者比，價錢(都係2個人)係我喺伊呂波食嘅一半，而食物質素方面，當然唔可以相提並論，畢竟前者嘅和牛真係好正同係日本貨。但係，除咗牛肉方面有少少差距之外，其他食物都有伊呂波嘅8成水準，而價錢就相差一半；
上到去，可能自己少去西環食嘢，估唔到裝修同座位都非常唔錯，座位好舒服!啲侍應都係後生仔，服務ok，一叫即到!
我睇過menu上嘅二人餐，同我老婆都覺得唔啱食，因為我同佢都唔鍾意食魷魚同雞，因為燒嚟食嘅話就麻麻地好食，所以就決定散叫。
叫咗一個雪花牛(8片，$98)、一個和牛(8片，$98)、一個京蔥($30)、一個什菜、一個對蝦(2隻，$128)、一個帶子(8片，$88)、一個牛舌(8片，$88)同3支啤酒($16一支)。雪花牛嘅牛味比另一個和牛嘅味比起就重啲，而油份啱啱好，好有肉汁味；而和牛就油份多啲、而無咁重牛肉味；牛舌就夠厚身同有咬口，送啤酒一流!而京蔥就夠甜，帶子又新鮮；最正係個蝦，啲蝦膏係一燒熟咗夾上碟時，真係香都你唔信!!!啲蝦肉又食得出嘅新鮮!
我喺大約2個月前食過伊呂波，如果呢間同前者比，價錢(都係2個人)係我喺伊呂波食嘅一半，而食物質素方面，當然唔可以相提並論，畢竟前者嘅和牛真係好正同係日本貨。但係，除咗牛肉方面有少少差距之外，其他食物都有伊呂波嘅8成水準，而價錢就相差一半；平心而論，以咁嘅價錢食到呢個質素嘅食物，我就覺得值得嘞!
順帶一提，之後睇過其他朋友對於呢間燒肉店嘅評語，我都同意2人餐嘅食品唔係咁好食。我係食完之後先睇有關呢間食店喺open rice嘅食評嘅，不過，我就留意到其他食客喺度食緊呢個餐，所以決定散叫；雖然係貴啲，但係就真係好味。
張貼
