火之神

營業中

休息中

旺角係人多車多既地方，好難可以搵到一處地方比你休息嘆番下。最近得知女人街開左間新cafe，仲有得玩貓！即刻book 左黎試下佢！火之神鋪面唔係話好大，但養左6隻貓貓，每一隻都好乖！好QQ！奇怪既係6隻貓既餐廳見唔到有貓毛，清潔做得好好！原條蒲燒鰻魚蛋包飯，條鰻魚本身唔係話好大條，但好有心地切左一口大小，鰻魚亦充滿燒汁，表面有紫菜絲增強香味，配搭得好好！吃落一啲小刺骨都冇，口感係比彈牙，幾好！炒嫩蛋包住珍珠米粒飯，真係又靚又香！呢個配搭冇得輸！咖喱吉列蝦蛋包飯，首先咖哩汁用牛肉調製，咖喱味比較濃郁，入面亦都有薯仔紅蘿蔔等配料，仲有肉既香味！味道比較日式，少少甜。吉列蝦份量唔細，有4大隻，表面炸到香脆，肉里仲有蝦既肉汁，火喉控制得唔錯！當然咖哩現蛋包飯就更加正！香草牛肉羅宋湯，份量可見係超足料，味道無想象中甘重味，而係比較輕身既調味，本人反而覺得甘先好，唔會搶左咖哩隻味。另外值得一提係每個到訪既食客都會忍唔住去玩下貓先食野，而d 貓係好乖甘你食緊野就唔騷擾你，非常有趣！大家經過可以黎探下貓，食個靚飯休息休息！