影片
更多
2021-09-14
452 瀏覽
收工夜左，好攰唔想煮，但已經9點，就走去C類食肆列表搵下仲有咩可以食。搵到呢間新開係旺角Aeon附近，位置方便就去試下。咁夜都唔想食飯，target常餐。叫左D餐轉米線凍檸茶走甜，再加個蛋撻。凍檸茶茶底好淡，計分數一定係唔合格。再黎蛋撻，好明顯呢隻係依家市面上好普遍嘅酥皮蛋撻味道。觀察左一排，發覺好多麵包舖都係咁嘅款嘅蛋撻，圓形模唔係波浪形模，個酥皮度度同出一轍，唔厚，無層次，偏淋。好懷疑可能係來貨或工場做。我只係好想食先叫。個蕃茄湯係杰身嘅，食落唔口渴應該無味精，蕃茄味可以，但個aftertaste係淡嘅，要加胡椒粉先吊得起個味。有幾粒蕃茄粒，茶餐廳蕃茄湯黎講正常唔特別好食又唔算差。不過見佢咁杰身又見到餐牌有飯可以揀鮮茄蓉汁，應該都係一汁兩用。但個牛肉超紅，應該都係用梳打粉嗱到過晒火，食落口係一啲牛肉味都無，而餐肉得4粒仔。炒蛋係全餐最好味嘅，夠蛋味無過熟。但牛角包就好腍，無焗返脆身，味道好急凍貨feel無油偏乾，都應該係來貨。整體味道係一般，俾okay係因為係疫情下10點後搵食艱難而佢地點就腳同坐位唔算逼。
搵到呢間新開係旺角Aeon附近，位置方便就去試下。
咁夜都唔想食飯，target常餐。
叫左D餐轉米線凍檸茶走甜，再加個蛋撻。
凍檸茶茶底好淡，計分數一定係唔合格。
再黎蛋撻，好明顯呢隻係依家市面上好普遍嘅酥皮蛋撻味道。觀察左一排，發覺好多麵包舖都係咁嘅款嘅蛋撻，圓形模唔係波浪形模，個酥皮度度同出一轍，唔厚，無層次，偏淋。好懷疑可能係來貨或工場做。我只係好想食先叫。
個蕃茄湯係杰身嘅，食落唔口渴應該無味精，蕃茄味可以，但個aftertaste係淡嘅，要加胡椒粉先吊得起個味。有幾粒蕃茄粒，茶餐廳蕃茄湯黎講正常唔特別好食又唔算差。不過見佢咁杰身又見到餐牌有飯可以揀鮮茄蓉汁，應該都係一汁兩用。
但個牛肉超紅，應該都係用梳打粉嗱到過晒火，食落口係一啲牛肉味都無，而餐肉得4粒仔。
炒蛋係全餐最好味嘅，夠蛋味無過熟。但牛角包就好腍，無焗返脆身，味道好急凍貨feel無油偏乾，都應該係來貨。
整體味道係一般，俾okay係因為係疫情下10點後搵食艱難而佢地點就腳同坐位唔算逼。
張貼
