上海婆婆336 (已結業)

好耐之前就聽我個friend 講呢間上海菜好好食，不過一直都未有機會食。直到幾日前去接男朋友收工，係東港城行行下見到呢間舖頭，二話不說即刻入去食。我同我男朋友一人嗌左一個豬扒擔擔麵，雞絲粉皮(只要餐廳有我一定會嗌黎食😂😂賣飛佛)。豬扒擔擔麵:我冇叫小辣，但食落都吾覺辣。塊豬扒我覺得炸得再乾身小小會好啲，不過啲肉質係嫩口嘅，麵就軟硬適中，而且份量好多下，甘嘅價錢有甘嘅質素同份量，cp值算好高。雞絲粉皮：其實有啲貴，份量唔算太多，但價錢同個麵差唔多。粉皮碎左少少，但夠爽口嘅，啲麻醬份量岩岩好，不多不少。