PREGIO by Barista Caffe (已結業)

居住係外國既朋友返黎香港探親，因為種種原因我未能夾到時間同佢一齊食晚餐佢就要返外國啦，唯有係公司附近黎個午餐小聚。搵左openrice，發覺真係無咩地方可以坐得耐又無咩壓力要盡快食完走人，最後俾我地搵到呢間位於濱海街既Pregio by Barista Caffe，雖然好多blogger介紹既食物都係以下午茶既甜品同飲品為主，但係既然係聚舊，當然係環境重要過食物啦。朋友提早左黎攞位，所以我12點半黎到都唔洗等位，真好，坐低左之後每人叫左個set lunch，有一個湯同埋一個main course。洋蔥湯: 洋蔥味唔重，飲落無咩滯既感覺。麵包: 麵包送上黎果時仲係熱辣辣，食落都好鬆軟。蕃茄醬羅勒意大利麵: 意粉軟硬度適中，番茄醬汁既比例調得剛剛好，食材既新鮮度都不錯，如果可以加多少少配料就更加好啦。意大利野菌燴飯: 好耐無食過呢種燴飯，燴飯落左好多忌廉，加埋芝士之後，味道比我預期既重，配料方面都用左唔少野菌，可惜食落有點兒滯。食完個main course之後覺得仲好似差緊d野咁，原來係因為無咖啡或茶或者甜品，如果set lunch包埋既就好啦。