影片
更多
2021-07-05
12921 瀏覽
小朋友 Staycation，Disneyland 當然是首選！已經早三個星期 book 埋迪酒店內的餐廳，竟然全部要 waiting ！！打定輸數冇晚飯食，要在酒店食杯麵 …… 早一日【翠樂庭餐廳】打來通知有位，太好了！【翠樂庭】典雅的維多利亞式風格門面設計，貫徹迪士尼餐廳的童話城堡主題。穿過圓形拱門及綠悠悠的長走廊入口，把客人帶進充滿童話的世界。原本以為餐廳差不多滿座，竟然客人稀少，可能很多客人放飛機。室內裝潢同樣充滿童話，讓人有置身城堡的感覺 ⋯⋯ 這裡實在很適合大小朋友、情侶、夫妻來慶祝重要日子。餐廳環境寬敞而且枱之間有足夠空間，用餐環境舒適，服務又貼心。迪士尼的管理真有一手！【翠樂庭】另外一個吸引的地方就是有多位廸士尼卡通人物去每枱跟客人拍照，但現在疫情關係，只能夠與卡通人物保持距離拍照，而且只有一位卡通人物。今晚的卡通人物是主角 Mickey，非常幸運！Open kitchen 加上自助餐位置寬敞，食物枱一字排開，攞食物容易又方便。同樣因為疫情關係，自取食物沒有熱食，只有海鮮冷盤、前菜、刺身壽司及甜品。每款食物分成小碟，衛生又方便。疫情下自助晚餐變成半自助晚餐，半自助晚餐提
【翠樂庭】典雅的維多利亞式風格門面設計，貫徹迪士尼餐廳的童話城堡主題。穿過圓形拱門及綠悠悠的長走廊入口，把客人帶進充滿童話的世界。原本以為餐廳差不多滿座，竟然客人稀少，可能很多客人放飛機。室內裝潢同樣充滿童話，讓人有置身城堡的感覺 ⋯⋯ 這裡實在很適合大小朋友、情侶、夫妻來慶祝重要日子。餐廳環境寬敞而且枱之間有足夠空間，用餐環境舒適，服務又貼心。迪士尼的管理真有一手！
【翠樂庭】另外一個吸引的地方就是有多位廸士尼卡通人物去每枱跟客人拍照，但現在疫情關係，只能夠與卡通人物保持距離拍照，而且只有一位卡通人物。今晚的卡通人物是主角 Mickey，非常幸運！
Open kitchen 加上自助餐位置寬敞，食物枱一字排開，攞食物容易又方便。同樣因為疫情關係，自取食物沒有熱食，只有海鮮冷盤、前菜、刺身壽司及甜品。每款食物分成小碟，衛生又方便。
疫情下自助晚餐變成半自助晚餐，半自助晚餐提供多款海鮮，包括兩款蟹腳(香檳蟹及阿拉斯加蟹)、青口、翡翠螺、蝦及龍蝦。其他海鮮可以不吃，但龍蝦值得一試！最近食過的酒店自助餐供應的龍蝦一係細細隻沒有肉；又或者雖然係大大隻波士頓開邊龍蝦，但只有偏鹹海水味，龍蝦味欠奉。這個龍蝦唔算大隻，又要自己剝殼，但是充滿龍蝦味、兼且肉質爽口彈牙。食完一隻又一隻，總共食咗 5 隻龍蝦，食完已經飽了七成。
161 瀏覽
0 讚好
0 留言
另外一邊的食物枱則有幾款亞洲風味前菜。有醉雞、梅漬小番茄、柚子蝦沙律；款式簡單，同樣沒有太大吸引。整體來講，除了凍海鮮在水準之上，其他冷盤的款式選擇、吸引力及味道及不上市區其他五星級酒店的自助餐。
自助餐必有的刺身和壽司，【翠樂庭】都有供應，不過款式少，質素味道也一般。可以不試。
甜點有多款迪士尼造型小蛋糕、布甸及雪條。款式多而且外型超吸引，小朋友、大人見到都好開心！小編已經好飽，只是取了幾款試下，但竟然每款都好味道！
240 瀏覽
0 讚好
0 留言
18 瀏覽
0 讚好
0 留言
【燒牛仔柳釀雜菌、春雞卷配烤薯及根菜、黑松露砵酒汁】賣相模仿高級餐廳出品，但就是差了一點點。一個菜式有兩個不同味道的肉卷，小編喜歡牛仔柳釀雜菌，明顯係模仿英國名菜威靈頓牛柳。牛仔肉與菇菌是最佳組合，牛仔柳嫩滑，茹菌切成蓉好香菇味，不用沾上醬汁，味道已經很突出。
燒牛仔柳釀雜菌、春雞卷配烤薯及根菜、黑松露砵酒汁
149 瀏覽
0 讚好
0 留言
12 瀏覽
0 讚好
0 留言
20 瀏覽
0 讚好
0 留言
54 瀏覽
0 讚好
0 留言
海膽蒸蛋、炸蟹餅、甜薯天婦羅、熟三文魚飯團、麵豉湯 (+$80)
115 瀏覽
0 讚好
0 留言
蟹餅外皮香脆，餡料份量多。甜薯天婦羅外皮不厚又香口，紫薯夠甜。好開胃。兩款炸物都幾好食。迪士尼餐廳提供的食物必定找到 Mickey，這個 Mickey 熟三文魚飯團就非常可愛。
另外一個主菜就揀中式口味【避風塘龍蝦配蟹肉燴伊麵、花膠海參冬菇燴鵝掌 (+$80)】。避風塘龍蝦唔夠熱辣辣、亦唔夠惹味。其實一早已經知道喺酒店餐廳食飯，唔應該揀這種港式大排檔風味菜式，但唔想揀其餘四款主菜、亦唔想重複要一模一樣的主菜。
避風塘龍蝦配蟹肉燴伊麵、花膠海參冬菇燴鵝掌 (+$80)
35 瀏覽
0 讚好
0 留言
蟹肉燴伊麵雖然蟹肉份量很多，但係蟹肉鮮味麻麻、芡汁太稠。花膠海參冬菇燴鵝掌竟然係三款中式主菜最好味，花膠雖然細細塊，但夠綿滑、亦有膠質；鵝掌炆得夠腍滑；海參爽滑彈牙；冬菇厚身、爽口。
原來疫情下，香港迪士尼的三間酒店只有一間正常營業，有一間只開周末，另一間完全暫時停業；所以餐廳選擇比較少。【翠樂庭】疫情下變成 semi-buffet，成人$588，小童$388。小編是迪士尼會員，所以今日用生日優惠有買一送一 (不用生日月份都可以用，好有彈性！) ，優惠後就幾抵，如果正價就一般而已！整體出品質素以五星級酒店的自助餐標準來說，只是一般；不過，話說回頭，迪士尼酒店內各大小餐廳的最大吸引力，一直都唔係美食，而係童話般的裝修環境、及迪士尼卡通人物與你進餐！
張貼
