華嫂冰室 (棉登徑) (已搬遷) 新店位置

今日係尖沙咀睇完中醫，想食d 野， 突然間諗起尖沙咀都開咗間華嫂，於是就行左過去棉登徑個邊！好耐冇食過咁邪惡嘅鮮菠蘿油！心大心細之下決定叫黎食下，個包一嚟到，已經見到兩大塊牛油夾左係一個菠蘿包裏面，我就鍾意夾扁嚟食，因為方便啲，唔會食得太論盡！一大啖咬落去，啲鮮牛油🧈溶咗係一個熱辣辣嘅菠蘿包之間，牛油滑而不膩，菠蘿包就岩岩出爐，再配埋杯熱奶茶 ☕️，簡直係人間美食！