荷華庭園景餐廳 (已易手) 新餐廳

幾年沒有光顧的餐廳之一，今次約埋幾個好朋友，駕車重遊舊地，懷緬昔日的龍蝦酥皮湯和火熖雪糕。荷華庭以前叫荷曄庭，問過伙記，証實真的轉了老細，所以店名也改了。環境仍保持乾淨，尤其小屋仔設計，園林景色，無得輸啦！先來個酥皮龍蝦湯，味道跟以前差不多，但份量就少了，龍蝦肉只得一粒，少少失望。大虾沙律，生果新鮮的，略嫌芒果份量少左和吾夠凍，份量合適。牛膝是主菜，大大件足夠六位份量，味道不錯，但可惜生得滯，差點想叫伙記拿回廚房叮兩野。鵝肝豬扒飯，鵝肝有少少腥，豬扒夠淋，如果1-2個人食就太漏了，6人攤分，算少食多滋味。焗薯皮幾特別，有驚喜。火熖雪糕保持水準，玩熄燈點火有氣氛。最後來一杯茘枝疏打，賣相佳，幾重茘枝味。整體上，食物碟頭算大份，味道吾算差，水準比幾年前略遜。侍應招待好，可能適逢疫情，食客不多，6位被安排到VIP小屋仔房間，夠晒清靜。