影片
更多
2016-09-28
676 瀏覽
上海婆婆的午市套餐, 只有星期一至五先有,難得平日可以放假, 所以同媽媽去試下個套餐. 淘大呢間店好乾淨, 好大, 但人手唔算好夠。睇下個餐牌 ~我地叫了2個套餐 :1) 銀芽鱔鰗, 酸辣湯, 白飯2) 雪菜肉絲拉麵, 小籠包4隻先飲下酸辣湯, 唔算好辣, 感覺似汁多D, 真係麻麻地 !銀芽鱔鰗配白飯 呢個依然好好味, 雖然銀芽依然多過鱔鰗,但鱔鰗炒得好香, 可以送上一碗飯啊 !雪菜肉絲拉麵對呢碗真係好失望, 肉絲完全泡過龍, 完全無味, 雪菜又少又碎,簡直差過自已煮。期待已久的小籠包, 可以保持一貫水準, 一啖咬晒入去, 汁係咀裡面滾動,鹹淡適中, 好好味呀 !!今次雖然食到個套餐, 但係失望大過D ! 除左個鱔鰗同小籠包係好食, 其他就真係唔掂 !
難得平日可以放假, 所以同媽媽去試下個套餐.
淘大呢間店好乾淨, 好大, 但人手唔算好夠。
睇下個餐牌 ~
我地叫了2個套餐 :1) 銀芽鱔鰗, 酸辣湯, 白飯
2) 雪菜肉絲拉麵, 小籠包4隻
先飲下酸辣湯, 唔算好辣, 感覺似汁多D, 真係麻麻地 !
銀芽鱔鰗配白飯
呢個依然好好味, 雖然銀芽依然多過鱔鰗,但鱔鰗炒得好香, 可以送上一碗飯啊 !
雪菜肉絲拉麵
對呢碗真係好失望, 肉絲完全泡過龍, 完全無味, 雪菜又少又碎,簡直差過自已煮。
期待已久的小籠包, 可以保持一貫水準, 一啖咬晒入去, 汁係咀裡面滾動,
鹹淡適中, 好好味呀 !!
今次雖然食到個套餐, 但係失望大過D ! 除左個鱔鰗同小籠包係好食, 其他就真係唔掂 !
張貼
