漢和韓國料理

營業中

休息中

燒嘢食我最鍾意食，夏天嘅時候都會好想燒嘢食，但係當然想搵一個舒適有冷氣嘅地方去燒啦，韓燒就係我夏天嘅首選。呢一間嘅韓燒絕對係性價比超高，佢嘅嘢食款式好多而且仲係平民價，佢嘅座位都非常闊落。佢嘅自助餐區亦都好多選擇，分別有燒烤區，熟食區，壽司，飲品，甜品，沙律等等。燒烤區裏面嘅種類好多，而且佢仲有埋目錄清晰寫晒每一樣嘢食係啲乜嘢。嘢食全部已經醃好晒，豬牛雞樣樣有，仲有多種丸同埋配菜，個人就比較鍾意食魷魚同埋多春魚。熟食區都唔錯㗎，竟然會有豬腳薑食，而且仲有好足料嘅老火湯，煎好咗嘅三文魚骨，樣樣都好吸引。凍區嘅嘢食有三文魚刺身，多款壽司，同埋沙律水果等等。當然唔少得嘅就梗係有好多種類嘅甜品，奶凍，豆腐花，涼粉樣樣齊。兩個鐘真係食到飽飽，樂而忘返，大滿足。