茶餐廳2.0 (已結業)

而家d茶記真係唔易做，越來越多元化， 好似呢間中文名似茶記，英文名有Cafe字眼，最多都以為係茶記同Cafe混合姐，點知和牛、中式小菜、連雞蛋仔都有得食🤣！🔆All Day Breakfast 有豬肉腸、煙肉、焗豆、炒蛋、火腿、炒雜菌、法包呢d例牌野，有埋野飲。擺盤未算精彩，但食落去係幾好食，尤其是炒蛋同法包，炒蛋似日式炒蛋嘅質感而且有蛋香；塗上左牛油嘅法包，好味在新鮮牛油香味同法包烘熱嘅香脆。🔆咖哩慢煮牛腩配白飯，都幾多牛腩。主角咖哩混有好多雜菜，令到每啖口感更豐富而且無咁膩，較少香料味但有咖哩味，牛腩都夠軟腍，茶記黎講算幾好～🔆加$20有個中式清炒時菜，樣貌似媽媽煮食，食落竟然有d鑊氣，亦食到白菜仔好鮮甜嘅菜汁，呢個抵食！🔆兩個主菜都有餐飲，熱奶茶有茶記水準；熱咖啡有Cafe即磨咖啡水準，攞到平衡very good!🔆最後仲叫左心太軟雪糕，間間出品唔同，縱然朱古力蛋糕無流心，但加上雪糕球後外觀同味道，對我黎講係相當唔錯！