泰傳奇 (已結業)

嚟到九展同仔買校服，行行下先知原來2樓好多野食，揀咗間泰國餐廳食個lunch☺️餐廳都幾闊落開揚，枱與枱之間距離都幾闊，坐得舒服😌點咗個海南雞飯($62)俾仔仔，份量都唔少，雞件有5-6件，雞肉嫩滑，加埋薑蓉一齊食仲正，油飯勁香又軟熟，平時唔鍾意食飯嘅仔竟然食咗一大半！我就點咗海鮮喇沙米線🍜($65)，滑滑米線加上滿滿椰香濃郁湯底，仲有豆卜、魷魚、青口、蝦等配菜，又幾好味😋飲品一杯加$8，珍多冰滿滿椰奶香，斑斕粉條幾好咬，龍眼冰有幾粒龍眼肉，味道清甜