漁一海鮮火鍋料理 (已搬遷) 新店位置

近排返工好忙，成日都OT到夜晚9點10點，放工之後喺尖沙咀行過見到原來呢間打邊爐九點半之後有六折，咁啱未食飯就入去試吓。湯底方面叫咗黑松露菌湯同埋麻辣鴛鴦湯 158湯底以正價來講略嫌小小貴不過有六折就好抵啦黑松露菌湯超級推介 有好香嘅黑松露味一黎到先叫左個桶蠔先， 不嬲都好鍾意打邊爐食桶蠔既，一上枱嚇死我超級大隻仲大過我手掌，先$158咋喎 (最重要係仲有六折),無論加咗落喺麻辣燙定係黑松露湯都好好食，咬落去全部啖啖肉。其實漁一都有好多唔同款，當中四寶餃我都好推薦$68，韭菜餃我最鍾意食好香韭菜味個餡又大件。完全滿足。總括嚟講價錢我哋兩個人豪食之下食咗七百幾蚊， 但係每樣餸都係高質特別係手切牛肉$298都好好食，時間應該會再嚟多次。不過佢哋嘅刺身就唔多推介啦唔算好新鮮。