影片
更多
2024-07-28
1419 瀏覽
今日專登去到九龍城試吓地道嘅泰國菜，大概七點幾去到，入面都唔算好full，好快就等到位入去。一坐低嘅時候，店員就放低咗個QR code我哋自己落單，之後我朋友問過佢哋有冇啲咩推介，但係佢哋好似太忙冇理到佢，咁所以我哋都自己落單叫嘢食 咁我哋就叫咗四個餸，一個鐵板蠔餅，一個鹹肉炒芥蘭，一個明爐烏頭，同埋一個生菜包，叫咗2杯嘢飲咁啲嘢好快就已經上晒枱，咁但係可能因為張枱唔算好大，所以放到好滿咁首先就講吓個鐵板蠔餅，下面佢用咗一啲芽菜嚟墊底令到塊鐵板唔會令到個蠔餅咁燶，可惜嘅係芽菜水份太多令到蠔餅太濕，搞到成塊蠔餅都好難食，就算一上枱就食，佢都冇蠔餅應該有嘅脆口，有種放咗好耐再加熱嘅感覺感覺鹹肉炒芥蘭就正正常常，但係啲鹹肉本身應該要脆厚啲，唔知係咪放得太耐，所以好快就有種好濕好腍嘅感覺，冇咗嗰種同芥蘭對比嘅感覺個生菜包就做得幾好食，有少少辣，但係嘅肉都好多，就算食晒啲菜都仲未用得晒啲肉，整體個口感都唔錯而個明爐烏頭，魚嘅份量係偏細，同埋個湯未夠入味，就算下面個蠟燭已經燒晒，但係個魚都好似唔夠味，可能因為太多客所以做唔切整體嚟講，好似冇以前咁好食，有啲可惜最尾仲要講吓佢哋嘅服務，雖然出面冇乜人
一坐低嘅時候，店員就放低咗個QR code我哋自己落單，之後我朋友問過佢哋有冇啲咩推介，但係佢哋好似太忙冇理到佢，咁所以我哋都自己落單叫嘢食
咁我哋就叫咗四個餸，一個鐵板蠔餅，一個鹹肉炒芥蘭，一個明爐烏頭，同埋一個生菜包，叫咗2杯嘢飲
咁啲嘢好快就已經上晒枱，咁但係可能因為張枱唔算好大，所以放到好滿
咁首先就講吓個鐵板蠔餅，下面佢用咗一啲芽菜嚟墊底令到塊鐵板唔會令到個蠔餅咁燶，可惜嘅係芽菜水份太多令到蠔餅太濕，搞到成塊蠔餅都好難食，就算一上枱就食，佢都冇蠔餅應該有嘅脆口，有種放咗好耐再加熱嘅感覺
感覺鹹肉炒芥蘭就正正常常，但係啲鹹肉本身應該要脆厚啲，唔知係咪放得太耐，所以好快就有種好濕好腍嘅感覺，冇咗嗰種同芥蘭對比嘅感覺
個生菜包就做得幾好食，有少少辣，但係嘅肉都好多，就算食晒啲菜都仲未用得晒啲肉，整體個口感都唔錯
而個明爐烏頭，魚嘅份量係偏細，同埋個湯未夠入味，就算下面個蠟燭已經燒晒，但係個魚都好似唔夠味，可能因為太多客所以做唔切
整體嚟講，好似冇以前咁好食，有啲可惜
最尾仲要講吓佢哋嘅服務，雖然出面冇乜人等緊，而且入面都冇坐滿，但係佢哋好似好急想收晒你啲嘢咁，坐落去嘅感覺唔係咁好，成日都會有個女人係咁伸隻手埋嚟想收走你嘅嘢，我個朋友仲未飲晒杯嘢就一野比佢插隻手指入去收走咗，搞到我朋友好嬲，而個侍應好似冇覺得自己有咩問題就收走咗
37 瀏覽
0 讚好
0 留言
25 瀏覽
1 讚好
0 留言
80 瀏覽
0 讚好
0 留言
135 瀏覽
0 讚好
0 留言
張貼
