影片
更多
2023-10-16
512 瀏覽
嚟到九龍城冇理由唔食泰國嘢嘅，周圍都好多人排隊就搵咗呢一間唔算多人嘅泰國菜試一試，估唔到都唔錯，主要係價錢抵食味道都OK，不過串燒同埋嘢飲就一般啦。🍤泰式炸蝦餅 $75 5件 (7.5/10)炸得好香脆，每件蝦餅都切開咗一半，食落去都算彈牙，唔會好油膩，OK！🍢沙嗲串燒雞肉豬肉 $88 6串 (5/10)串燒真係比較失色一啲，豬肉有一陣醃製嘅味道食落去好嚡口，雞肉就好少少，不過兩種肉類都燒得比較乾身，配咗兩隻醬汁，沙嗲汁幾香口幾好食，辣汁就正正常常咁！🍢炭燒豬頸肉 $80 (8/10)冇諗過豬頸肉好食，雖然豬頸肉比較薄切同埋份量唔算好多，不過燒得幾香口，肉質都算彈牙唔乾身！🦑醃鮮魷魚沙律 $70 (7/10)好少見到魷魚沙律魷魚係多過菜，魷魚好爽口彈牙，好新鮮，蔬菜就比較少啲如果多番少少就好啦，一樣都係好清爽，不過個酸辣汁都幾辣！🥬蒜蓉炒椰菜苗 $80 (6/10)呢個就比較普通少少，蒜蓉炒得唔夠香，比較濕，椰菜苗都爽口嘅。🍴菠蘿炒飯 $62 (7/10)有肉鬆提子同埋罐頭菠蘿，炒得都算OK，唔會太乾身，甜甜地。🍴泰式乾炒海鮮河 $70 (8/10)海鮮好好食，個炒飯好多，河粉食落去好
🍤泰式炸蝦餅 $75 5件 (7.5/10)
炸得好香脆，每件蝦餅都切開咗一半，食落去都算彈牙，唔會好油膩，OK！
🍢沙嗲串燒雞肉豬肉 $88 6串 (5/10)
串燒真係比較失色一啲，豬肉有一陣醃製嘅味道食落去好嚡口，雞肉就好少少，不過兩種肉類都燒得比較乾身，配咗兩隻醬汁，沙嗲汁幾香口幾好食，辣汁就正正常常咁！
🍢炭燒豬頸肉 $80 (8/10)
冇諗過豬頸肉好食，雖然豬頸肉比較薄切同埋份量唔算好多，不過燒得幾香口，肉質都算彈牙唔乾身！
🦑醃鮮魷魚沙律 $70 (7/10)
好少見到魷魚沙律魷魚係多過菜，魷魚好爽口彈牙，好新鮮，蔬菜就比較少啲如果多番少少就好啦，一樣都係好清爽，不過個酸辣汁都幾辣！
🥬蒜蓉炒椰菜苗 $80 (6/10)
呢個就比較普通少少，蒜蓉炒得唔夠香，比較濕，椰菜苗都爽口嘅。
🍴菠蘿炒飯 $62 (7/10)
有肉鬆提子同埋罐頭菠蘿，炒得都算OK，唔會太乾身，甜甜地。
🍴泰式乾炒海鮮河 $70 (8/10)
海鮮好好食，個炒飯好多，河粉食落去好香口鹹香，好有泰式風味，一啲都唔辣，海鮮都算多，唔會腥。
🥥椰汁沙冰 $30 (5/10)
感覺好水好稀，冇乜椰汁味，都屬於微甜，唔夠味就唔算好抵飲😂
🍴贈送糖水 (8/10)
餐廳好好咁送咗糖水俾我哋食？可能我哋中午叫得比較多🤣食落去好香香芋味，入邊好多西米又有芋頭粒粒，又泰式風味之餘又唔會好甜幾好食，免費嘅通常都係最好食😝。
推薦指數: 7/10
雖然個人都係覺得金泰比較好食，不過如果太多人等位，都可以試一試呢間價錢唔貴性價比都幾高，只要唔食串燒就OK啦！
張貼
